1 আশ্রয় লইছি গো মাবুদ তুমার ছায়ায়,

2 আমার মিনতি হুনিয়া জলদি বাচাও মোরে,

3 তুমি আমার আশ্রয়-সুড়ং, মজবুত বাংকার,

4 লুকাইয়া পাতাইল ফান্দো থাকি মোরে করো উদ্ধার,

5 আমার রুহ তুমার আতো সপিয়া দিলাইলাম,

6 অসাড় মুর্তির পুজারিরে ঘিন্নাই আমি,

7 আমার জানর সব মছিবত বেহাল দশা দেখছো তুমি,

8 দুশমনর আতো তুমি দিছো না মোরে তুলিয়া,

9 দয়া করো ওগো মাবুদ মছিবতো আছি,

10 জিন্দেগি মোর ক্ষয় অইলো দুখ-কষ্টয় কান্দি কান্দি,

11 দুশমন অকলে মোরে ঘিন্নায়,

চিনা-জানা জনে দেখলে ডরাইয়া হরে,

12 মুর্দা জনর লাখান তো ফাউরিলিছে মোরে,

13 বউতর কানা-কানি আমি হুনিয়ার,

আমার বিরুদ্ধে তারা হকল একখানো অইছে,

14 আমি তো ভরসা করছি মাবুদ তুমার উপরে,

15 আমার হায়াতি তো তুমারউ আতো,

16 তুমার নুরর দিদার দেখাও আমি গুলামরে,

17 শরম দিও না মোরে মাবুদ জানাই মিনতি,

18 দুইও ঠোট বন্দ অইযাউক বেইমানি যে মাতে,

19 তুমার আশিক বন্দার লাগি জমা আছে কতো দয়া,

20 তারারে লুকাইয়া রাখো তুমারউ পাক দিদারো,

21 মাবুদউ মুবারক, দুশমনর ঘেরাও করা নগরো,

22 ডরর চুটে কইছলাম তো আমি,

আমি যেবলা ডাকিছলাম সাইয্যর লাগি,

23 মাবুদর আশিক বনো ওরে পরেজগার হকল বন্দা,

24 বুকুত সাওস রাখো দিলো যুগাও বল,