1 ছবর করিয়া চাই রইছলাম আমার আল্লার লাগি,

2 গলাইমা গাড়া থাকি তুলিয়া আনলা মোরে,

আমার পাওরে ভর দেওয়াইলা পাথরর উপর,

3 যুগাই দিলা আমার মুখো নয়া গজল তান,

দেখবো ইতা বউত জনে, দেখিয়া ডরাইবো,

4 ধইন্য খালি হউ বন্দা, মাবুদউ যার ঠিকানা,

5 ওগো আমার মাবুদ আল্লা গনিয়া ফুড়াইল যাইতো নায়,

জানাইয়া বা কইয়া আমি ফুড়ানির সাইধ্য নাই,

6 কুরবানি আর লিল্লা-ছদগায় খুশি অও না তুমি,

চাও না তুমি জালাইল কিবা কফরার পশু কুরবানি,

7 তেউ আমি কইলাম আল্লা, আইছি আমি অনো,

8 ওগো আমার আল্লা, আমি খুশি তুমার মর্জি পুরনে,

9 মহা জন-সমাবেশো আমি জানাইছি,

আমার আওয়াজ বন্দ করি না ইতা তো জানো,

10 লুকাইয়া রাখছি না মোর দিলর ভিতর,

তুমার দেওয়া নাজাত আর হক-হালালি কইছি হকলরে,

11 ও মাবুদ! বন্দ করিও না মোর লাগি তুমার রহমতর দুয়ার,

12 দেখরায়নি! হিসাব ছাড়া মছিবতে বেরিলিছে মোরে,

দেখিয়ারনা কুন্তা আমি আমার চউখেদি,

13 ও আল্লা, তুমার দোহাই দিয়ার আমার জান বাচাও,

14 আমার জানরে যেতায় নিতা চাইরা কাড়িয়া,

আমার খেতি অইলে যেতায় করবা খুশি,

15 আমার খেতিয়ে যেতায় কইন, অইছেরে অইছে,

16 অইলে খুশি-বাসি করউক তুমার আশিক বন্দার দলে,

হর-হামেশা জপি জপি ফুর্তি করউক তারা,

17 দুখি কাংগাল জন তো আমি বড়ই অভাবি,

তুমিউ মোর সাইয্যকারি জান বাচানির ঠিকানা,