1 Zeruzalem ṭaun taki ḳoezon moulana ar Forishi mozobor kisu manush Isar gese aila, aia tanre zikaila, 2 “Afnar ummot oḳole agor zomanar moulana oḳolor batail rosumot manoin na ḳene? Tara to uzu na ḳoriau ḳani ḳailain.” 3 Isae zuaf dila, “Ou moulana oḳolor rosumot manar lagi afnara ḳene Allar hukumor borḳelaf ḳorra? 4 Allae hukum disoin, ‘Ma-bafore ijjot ḳorio, ar ze manshe tar ma-bafor bodnam gae, tare nichoe marilite oibo.’ 5 Oile afnara ḳoin, kunu manshe zudi tar ma-bafore ḳoilae, ‘Amar zeta samana dia afnaintor ḳezmot ḳortam asil, ita ami Allar name lilla dilaisi,’ 6 te tar ma-bafore ar kunta ḳora lage na. Ou laḳan afnarar baf-dadar mongoṛa niom dia Allar kalam batil ḳorilisoin. 7 O bonḍo oḳol! Hozrot Ishaea nobie tumrar befare ṭiku ḳoisoin,

10 Bade Isae manshore ḍakia ḳoila, “Amar talim ḳanain kial ḳori hunoukka. 11 Baire taki zeta zinish manshor mukor bitre hamae, itae to tare nafaḳ banae na. Borong manshor muk taki zeta baroe, otaeu tare nafaḳ banae.”

12 Teu tan shagrid oḳole ḳoila, “Huzur, afne buzchoin ni, Forishi oḳole mono ḳorra, ou talim dia afne tarare beijjot ḳorsoin?” 13-14 Tain ḳoila, “Itar mat falao. Amar behesti baf Allae ze gas lagaisoin na, i gas tan bagan taki huria falail oibo. Tarar daeitto asil anda manshore fot deḳaito, oile tara nizeu anda bonigese. Kunu andae aroḳ andare fot deḳanit gele, duio andau gato foṛi morbo.”

15 Teu sahabi Fitore ḳoila, “Afne zeta bataira, ota amrare buzai deukka.” 16 Isae ḳoila, “Tumra oḳono bebuz roiso ni? 17 Tumra buzo na ni, baire taki zeta zinish manshor muko hamae, ita to ḳali feṭo hamae, ar feṭ taki hirbar baroizae. 18 Oile manshor muk taki zeta baroe, ita dilo taki ae, ar otaeu manshore nafaḳ banae. 19 Manshor dil takiu to hoḳol nomunar ku-sinta baroe, zemon kun, zina, suri, misa shakki, ar ingsha-ninda baroe. 20 Otaeu manshore nafaḳ banae, oile uzu saṛa ḳani ḳaile ḳeu nafaḳ oe na.”

21 Bade Hozrot Isa nizor desh saṛia Shur ar Sidon desho gelagi. 22 Hono gia harle Kenani zatir eḳ bidormi beṭi tan gese aia zure zure ḳoilo, “O huzur, Daudor aolad, amare rohom ḳoroin. Amar fuṛigure zine dorae tai boṛo ḳoshṭo ḳorer.”

23 Oile Isae kunta matila na. Teu tan sahabi oḳole tanre minot ḳori ḳoila, “Huzur, ou beṭigure bidae dilaukka, tai amrar ḳore oia sillar.” 24 Isae ḳoila, “Amare to faṭail oise, ḳali Boni Israilor arail meṛa oḳolor lagi.”

25 Oile ou beṭi tan ḳandat aia ḳodombusi ḳoria ḳoilo, “Huzur, amare ou asanḳan ḳoroukka.” 26 Tain ḳoila, “Nizor huruttar rizek kuttar samne deoa ṭik nae.” 27 Beṭie ḳoilo, “Ji-oe huzur, afnar ḳotau ṭik, oile munibor ḳani taki zeta guṛa-gaṛa galabae foṛe, ita to kukre ḳae.” 28 Teu tain beṭire ḳoila, “Ashole go mai, tumar iman boṛo mozbut. Aichcha, tumi zela sairae, olau ouk.” Oḳan ḳoar loge logeu fuṛi bala oigelo.

29 Bade Isa hon tone Galil aoror faredi aṭia gela, gia eḳ faṛor ufre uṭia boila. 30 Boia harle manshe lula-lengṛa, atur, anda, buba, olaḳan aro bout zator bemarire dole dole tan gese loia ailo. Ania tan faor ḳandat toilo, tain era hoḳolre bala ḳorla. 31 Manshe zebla deḳla, lula-lengṛa bala oizira, buba oḳole matira, atur manshe aṭira, andae souke deḳra, dekia tara hoḳol taijjub oigela, ar Boni Israilor Alla Mabudor shukria adae ḳorla.

32 Erbade Isae tan sahabi oḳolre ḳandat ania ḳoila, “Ita manshor lagi amar boṛo dorod lager, aiz tin din dori tara amar ḳore ḳore gurira, oile tarar loge ḳanir kunta nai. Te ou halote erare bidae ditam sai na, arnae ita fotou beush oiziba.”

33 Sahabi oḳole ḳoila, “Huzur, i nirai morubumir maze oto manshore ḳaoanir lagi ruṭi amra kuai faimu?” 34 Tain ḳoila, “Tumrar gese ḳoeḳan ase?” Era ḳoila, “Shatḳan ruṭi ar biran ḳora ḳoeṭa huru mas ase.” 35 Teu Isae manshore maṭit boar lagi ḳoila. 36 Ḳoia tain ou shatoḳan ruṭi ar biran mas ato loia, Allar shukria adae ḳoria oḳnain ṭukraila, bade sahabi oḳolredi baṭaila. 37 Hokkol manshe feṭ bori ḳaila. Ḳaia zeta roisil, sahabi oḳole ota dola ḳorar bade shat ṭukri borigelo. 38 Onuman sair azar beṭa manshe ou ḳana ḳaila, erar loge beṭin ar huruttaino asla. 39 Bade tain erare bidae dia nao-o uṭia Mogdon elaḳat gelagi.