Zobur Shorif
Forisiti
Ou sifara Hozrot Daud (a:)or ufre nazil oa Fobitro Zobur Shorif.
Ermaze ase,
(1) Foyla sifara 1—41 ruku
(2) Dusra sifara 42—72 ruku
(3) Tisra sifara 73—89 ruku
(4) Sair nombor sifara90—106 ruku
(5) Fas nombor sifara107—150 ruku
Zobur Shorifor foyla sifara (Zobur 1-41)
al-Zobur 1
1 Shuki hou zon,
naformanor sallae ze sole na,
fafir foto ze ubae na,
moshkora ḳorrar aḍḍat boy na.
2 Oile Mabudor deoa hedayot-u tar kushi,
i hedayotre dian ḳore he din-rait dori.
3 Tar zindegi to fanir futor daror gasor laḳan,
ze gase shoṭik shomoye fol dore,
ḳorar dino tar fata hukae na,
he zetat-u at dey, otat-u laboban oy.
4 Oile ḳobis-bojjator sola to ola nae,
itar zindegi danor susar laḳan batashe uṛe.
5 Hashoror din ubaito tarar ola shaosh nai,
fak-forezgaror mozliso naformanor nai kunu ṭai.
6 Forezgar bondar sola-firar foto Mabude nozor raḳoin,
oile ḳobis-bojjator foto ase shorbonash.