1 ꠝꠣꠛꠥꠖꠦ ꠀꠞꠅ ꠇꠁꠞꠣ, “ꠙꠞꠔꠦꠇ ꠛꠍꠞꠞ ꠡꠣꠔ ꠘꠝ꠆ꠛꠞ ꠌꠣꠘ꠆ꠖꠞ ꠙꠄꠟꠣ ꠖꠤꠘ ꠅꠁꠟ, ꠔꠥꠝꠞꠣꠞ ꠡꠤꠋꠉꠣ ꠛꠣꠎꠣꠘꠤꠞ ꠁꠖꠞ ꠖꠤꠘ। ꠅꠃ ꠖꠤꠘ ꠔꠥꠝꠞꠣ ꠙꠛꠤꠔ꠆ꠞ ꠝꠤꠟꠘ-ꠝꠣꠢꠚꠤꠟ ꠇꠞꠤꠅ। ꠁ ꠖꠤꠘ ꠖꠥꠘꠤꠀꠛꠤ ꠘꠤꠅꠔꠦ ꠇꠥꠘꠥ ꠇꠣꠝ-ꠇꠣꠎ ꠇꠞꠣ ꠘꠣꠎꠣꠁꠎ। 2 ꠅꠃ ꠖꠤꠘ ꠔꠥꠝꠞꠣ ꠀꠝꠣꠞꠦ ꠈꠥꠡꠤ ꠇꠞꠣꠞ ꠊꠦꠞꠣꠘ ꠀꠟꠣ ꠎꠣꠟꠣꠁꠟ ꠇꠥꠞꠛꠣꠘꠤ ꠢꠤꠡꠣꠛꠦ, ꠄꠉꠥ ꠛꠤꠍꠣꠟ, ꠄꠉꠥ ꠝꠦꠠꠣ ꠀꠞ ꠡꠣꠔꠉꠥ ꠄꠇ ꠛꠍꠞ ꠛꠄꠅꠡꠤ ꠝꠦꠠꠣ-ꠛꠣꠁꠌ꠆ꠌꠣꠞꠦ ꠇꠥꠞꠛꠣꠘꠤ ꠖꠤꠅ, ꠢꠇꠟ ꠙꠡꠥ ꠎꠣꠘꠥ ꠙꠥꠞꠣꠙꠥꠞ ꠘꠤꠈꠥꠔ ꠅꠄ। 3 ꠀꠞ ꠅꠔꠣꠞ ꠟꠉꠞ ꠗꠣꠘ-ꠉꠝꠞ ꠍꠖꠉꠣ ꠢꠤꠡꠣꠛꠦ ꠔꠦꠟ ꠝꠣꠈꠣꠁꠟ ꠝꠄꠖꠣ ꠖꠤꠅ। ꠛꠤꠍꠣꠟꠞ ꠟꠉꠦ ꠍꠄ ꠡꠦꠞ, ꠝꠦꠠꠣꠞ ꠟꠉꠦ ꠌꠣꠁꠞ ꠡꠦꠞ, 4 ꠀꠞ ꠙꠞꠔꠦꠇ ꠝꠦꠠꠣ-ꠛꠣꠁꠌ꠆ꠌꠣꠞ ꠟꠉꠦ ꠖꠥꠁ ꠡꠦꠞ ꠖꠤꠛꠣꠄ। 5 ꠁꠔꠣꠞ ꠟꠉꠦ ꠔꠥꠝꠞꠣꠞ ꠉꠥꠘꠣꠞ ꠇꠚꠞꠣꠞ ꠟꠣꠉꠤ ꠄꠉꠥ ꠙꠣꠑꠣ ꠍꠣꠉꠟꠅ ꠇꠥꠞꠛꠣꠘꠤ ꠖꠤꠛꠣꠄ। 6 ꠙꠞꠔꠦꠇ ꠌꠣꠘ꠆ꠖꠞ ꠀꠞ ꠙꠞꠔꠤ ꠖꠤꠘꠞ ꠎꠣꠟꠣꠁꠟ ꠇꠥꠞꠛꠣꠘꠤ, ꠁꠔꠣꠞ ꠟꠉꠞ ꠗꠣꠘ-ꠉꠝꠞ ꠍꠖꠉꠣ ꠀꠞ ꠡꠞꠛꠔ-ꠙꠣꠘꠤꠞ ꠍꠖꠉꠣ ꠍꠣꠠꠣꠅ ꠅꠃ ꠇꠥꠞꠛꠣꠘꠤ ꠅꠇꠟ ꠀꠖꠣꠄ ꠇꠞꠤꠅ। ꠁꠔꠣ ꠔ ꠀꠝꠣꠞ ꠘꠣꠝꠦ ꠀꠉꠥꠘꠤꠔ ꠖꠦꠅꠀ ꠇꠥꠞꠛꠣꠘꠤ, ꠁꠔꠣꠞ ꠗꠥꠝꠣꠞ ꠊꠦꠞꠣꠘꠦ ꠀꠝꠤ ꠝꠣꠛꠥꠖ ꠈꠥꠡꠤ ꠅꠁ।

7 “ꠀꠞ ꠅꠃ ꠡꠣꠔ ꠘꠝ꠆ꠛꠞ ꠌꠣꠘ꠆ꠖꠞ ꠖꠡ ꠔꠣꠞꠤꠈꠅ ꠄꠇꠐꠣ ꠙꠛꠤꠔ꠆ꠞ ꠝꠤꠟꠘ-ꠝꠣꠢꠚꠤꠟ ꠇꠞꠛꠣꠄ। ꠅꠃ ꠖꠤꠘ ꠔꠥꠝꠞꠣ ꠙꠞꠔꠦꠇꠦ ꠘꠔ ꠅꠁꠀ ꠎꠣꠞꠎꠤꠞ ꠖꠤꠟ ꠡꠙꠤꠀ ꠖꠤꠛꠣꠄ, ꠁ ꠖꠤꠘ ꠇꠦꠃ ꠇꠥꠘꠥꠎꠣꠔ ꠇꠣꠝ ꠇꠞꠤꠅ ꠘꠣ। 8 ꠀꠝꠤ ꠝꠣꠛꠥꠖꠞꠦ ꠈꠥꠡꠤ ꠇꠞꠣꠞ ꠘꠤꠅꠔꠦ ꠊꠦꠞꠣꠘ ꠀꠟꠣ ꠎꠣꠟꠣꠁꠟ ꠇꠥꠞꠛꠣꠘꠤ ꠢꠤꠡꠣꠛꠦ ꠘꠤꠈꠥꠔ ꠄꠉꠥ ꠛꠤꠍꠣꠟ, ꠄꠉꠥ ꠝꠦꠠꠣ, ꠀꠞ ꠡꠣꠔꠉꠥ ꠄꠇ ꠛꠍꠞ ꠛꠄꠅꠡꠤ ꠝꠦꠠꠣ-ꠛꠣꠁꠌ꠆ꠌꠣꠞꠦ ꠇꠥꠞꠛꠣꠘꠤ ꠖꠤꠅ। 9 ꠀꠞ ꠅꠔꠣꠞ ꠟꠉꠞ ꠗꠣꠘ-ꠉꠝꠞ ꠍꠖꠉꠣ ꠢꠤꠡꠣꠛꠦ ꠛꠤꠍꠣꠟꠞ ꠟꠉꠦ ꠔꠦꠟ ꠝꠣꠈꠣꠁꠟ ꠍꠄ ꠡꠦꠞ ꠝꠄꠖꠣ ꠖꠤꠅ, ꠝꠦꠠꠣꠞ ꠟꠉꠦ ꠌꠣꠁꠞ ꠡꠦꠞ, 10 ꠀꠞ ꠙꠞꠔꠦꠇ ꠝꠦꠠꠣ-ꠛꠣꠁꠌ꠆ꠌꠣꠞ ꠟꠉꠦ ꠖꠥꠁ ꠡꠦꠞ ꠖꠤꠛꠣꠄ। 11 ꠢꠦꠡꠦ ꠉꠥꠘꠣ ꠝꠣꠚꠤꠞ ꠇꠥꠞꠛꠣꠘꠤꠞ ꠟꠣꠉꠤ ꠄꠉꠥ ꠙꠣꠑꠣ ꠍꠣꠉꠟꠅ ꠖꠤꠛꠣꠄ। ꠁꠖꠞ ꠅꠃ ꠇꠥꠞꠛꠣꠘꠤ ꠅꠇꠟ ꠍꠣꠠꠣꠅ ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤ ꠀꠞ ꠙꠞꠔꠤ ꠖꠤꠘꠞ ꠎꠣꠟꠣꠁꠟ ꠇꠥꠞꠛꠣꠘꠤ, ꠄꠞ ꠟꠉꠞ ꠗꠣꠘ-ꠉꠝꠞ ꠍꠖꠉꠣ ꠀꠞ ꠡꠞꠛꠔ-ꠙꠣꠘꠤꠞ ꠍꠖꠉꠣꠅ ꠖꠤꠅ।

12 “ꠔꠥꠝꠞꠣ ꠒꠦꠞꠣ-ꠊꠞꠞ ꠁꠖꠞ ꠢꠣꠙ꠆ꠔꠣꠞ ꠙꠄꠟꠣ ꠖꠤꠘ ꠝꠣꠘꠤ, ꠡꠣꠔ ꠘꠝ꠆ꠛꠞ ꠌꠣꠘ꠆ꠖꠞ ꠙꠘꠞ ꠔꠣꠞꠤꠈꠅ, ꠄꠇꠐꠣ ꠙꠛꠤꠔ꠆ꠞ ꠝꠤꠟꠘ-ꠝꠣꠢꠚꠤꠟ ꠇꠞꠛꠣꠄ, ꠅꠃ ꠖꠤꠘ ꠔꠥꠝꠞꠣ ꠖꠥꠘꠤꠀꠛꠤ ꠘꠤꠅꠔꠦ ꠇꠥꠘꠥ ꠇꠣꠝ-ꠇꠣꠎ ꠇꠞꠤꠅ ꠘꠣ। ꠅꠃ ꠡꠣꠔ ꠖꠤꠘ ꠝꠣꠛꠥꠖꠞ ꠘꠣꠝꠦ ꠁꠖꠞ ꠈꠥꠡꠤ-ꠛꠣꠡꠤ ꠇꠞꠤꠅ।

13 “ꠁꠖꠞ ꠙꠄꠟꠣ ꠖꠤꠘ ꠙꠥꠞꠣꠙꠥꠞ ꠘꠤꠈꠥꠔ ꠔꠦꠞꠅꠉꠥ ꠛꠤꠍꠣꠟ, ꠖꠥꠉꠥ ꠝꠦꠠꠣ ꠀꠞ ꠌꠃꠖ꠆ꠖꠉꠥ ꠄꠇ ꠛꠍꠞ ꠛꠄꠅꠡꠤ ꠝꠦꠠꠣ-ꠛꠣꠁꠌ꠆ꠌꠣ ꠖꠤꠀ ꠎꠣꠟꠣꠁꠟ ꠇꠥꠞꠛꠣꠘꠤ ꠀꠖꠣꠄ ꠇꠞꠤꠅ। ꠄꠞ ꠗꠥꠝꠣꠞ ꠊꠦꠞꠣꠘꠦ ꠀꠝꠤ ꠝꠣꠛꠥꠖ ꠈꠥꠡꠤ ꠅꠁ। 14 ꠅꠔꠣꠞ ꠙꠞꠔꠦꠇ ꠛꠤꠍꠣꠟꠞ ꠟꠉꠞ ꠗꠣꠘ-ꠉꠝꠞ ꠍꠖꠉꠣ ꠢꠤꠡꠣꠛꠦ ꠔꠦꠟ ꠝꠣꠈꠣꠁꠟ ꠍꠄ ꠡꠦꠞ ꠝꠄꠖꠣ, ꠙꠞꠔꠦꠇ ꠝꠦꠠꠣꠞ ꠟꠉꠦ ꠌꠣꠁꠞ ꠡꠦꠞ, 15 ꠀꠞ ꠙꠞꠔꠦꠇ ꠝꠦꠠꠣ-ꠛꠣꠁꠌ꠆ꠌꠣꠞ ꠟꠉꠦ ꠖꠥꠁ ꠡꠦꠞ ꠖꠤꠛꠣꠄ। 16 ꠢꠦꠡꠦ ꠉꠥꠘꠣ ꠝꠣꠚꠤꠞ ꠇꠥꠞꠛꠣꠘꠤꠞ ꠟꠣꠉꠤ ꠄꠉꠥ ꠙꠣꠑꠣ ꠍꠣꠉꠟꠅ ꠖꠤꠛꠣꠄ। ꠖꠤꠀ ꠙꠞꠔꠤ ꠖꠤꠘꠞ ꠎꠣꠟꠣꠁꠟ ꠇꠥꠞꠛꠣꠘꠤ, ꠄꠞ ꠟꠉꠞ ꠗꠣꠘ-ꠉꠝꠞ ꠍꠖꠉꠣ ꠀꠞ ꠡꠞꠛꠔ-ꠙꠣꠘꠤꠞ ꠍꠖꠉꠣꠅ ꠖꠤꠛꠣꠄ।

17 “ꠁꠖꠞ ꠖꠥꠁ ꠘꠝ꠆ꠛꠞ ꠖꠤꠘ ꠙꠥꠞꠣꠙꠥꠞ ꠘꠤꠈꠥꠔ ꠛꠣꠞꠅꠉꠥ ꠛꠤꠍꠣꠟ, ꠖꠥꠉꠥ ꠝꠦꠠꠣ ꠀꠞ ꠌꠃꠖ꠆ꠖꠉꠥ ꠄꠇ ꠛꠍꠞ ꠛꠄꠅꠡꠤ ꠝꠦꠠꠣ-ꠛꠣꠁꠌ꠆ꠌꠣ ꠇꠥꠞꠛꠣꠘꠤ ꠖꠤꠛꠣꠄ। 18 ꠅꠃ ꠛꠤꠍꠣꠟ, ꠝꠦꠠꠣ ꠀꠞ ꠝꠦꠠꠣ-ꠛꠣꠁꠌ꠆ꠌꠣ ꠢꠇ꠆ꠇꠟꠐꠤꠞ ꠟꠉꠦ ꠗꠣꠘ-ꠉꠝꠞ ꠍꠖꠉꠣ, ꠡꠞꠛꠔ-ꠙꠣꠘꠤꠞ ꠍꠖꠉꠣ, ꠙꠡꠥꠞ ꠙꠞꠤꠝꠣꠘ ꠝꠣꠚꠤꠇ ꠀꠖꠣꠄ ꠇꠞꠤꠅ। 19 ꠢꠦꠡꠦ ꠉꠥꠘꠣ ꠝꠣꠚꠤꠞ ꠇꠥꠞꠛꠣꠘꠤꠞ ꠟꠣꠉꠤ ꠄꠉꠥ ꠙꠣꠑꠣ ꠍꠣꠉꠟꠅ ꠖꠤꠛꠣꠄ। ꠖꠤꠀ ꠙꠞꠔꠤ ꠖꠤꠘꠞ ꠎꠣꠟꠣꠁꠟ ꠇꠥꠞꠛꠣꠘꠤ, ꠄꠞ ꠟꠉꠞ ꠗꠣꠘ-ꠉꠝꠞ ꠍꠖꠉꠣ ꠀꠞ ꠡꠞꠛꠔ-ꠙꠣꠘꠤꠞ ꠍꠖꠉꠣꠅ ꠖꠤꠛꠣꠄ।

20 “ꠁꠖꠞ ꠔꠤꠘ ꠘꠝ꠆ꠛꠞ ꠖꠤꠘꠅ ꠙꠥꠞꠣꠙꠥꠞ ꠘꠤꠈꠥꠔ ꠄꠉꠣꠞꠅꠉꠥ ꠛꠤꠍꠣꠟ, ꠖꠥꠉꠥ ꠝꠦꠠꠣ ꠀꠞ ꠌꠃꠖ꠆ꠖꠉꠥ ꠄꠇ ꠛꠍꠞ ꠛꠄꠅꠡꠤ ꠝꠦꠠꠣ-ꠛꠣꠁꠌ꠆ꠌꠣ ꠇꠥꠞꠛꠣꠘꠤ ꠖꠤꠛꠣꠄ। 21 ꠅꠃ ꠛꠤꠍꠣꠟ, ꠝꠦꠠꠣ ꠀꠞ ꠝꠦꠠꠣ-ꠛꠣꠁꠌ꠆ꠌꠣ ꠢꠇ꠆ꠇꠟꠐꠤꠞ ꠟꠉꠦ ꠗꠣꠘ-ꠉꠝꠞ ꠍꠖꠉꠣ, ꠡꠞꠛꠔ-ꠙꠣꠘꠤꠞ ꠍꠖꠉꠣ, ꠙꠡꠥꠞ ꠙꠞꠤꠝꠣꠘ ꠝꠣꠚꠤꠇ ꠀꠖꠣꠄ ꠇꠞꠤꠅ। 22 ꠢꠦꠡꠦ ꠉꠥꠘꠣ ꠝꠣꠚꠤꠞ ꠇꠥꠞꠛꠣꠘꠤꠞ ꠟꠣꠉꠤ ꠄꠉꠥ ꠙꠣꠑꠣ ꠍꠣꠉꠟꠅ ꠖꠤꠛꠣꠄ। ꠖꠤꠀ ꠙꠞꠔꠤ ꠖꠤꠘꠞ ꠎꠣꠟꠣꠁꠟ ꠇꠥꠞꠛꠣꠘꠤ, ꠄꠞ ꠟꠉꠞ ꠗꠣꠘ-ꠉꠝꠞ ꠍꠖꠉꠣ ꠀꠞ ꠡꠞꠛꠔ-ꠙꠣꠘꠤꠞ ꠍꠖꠉꠣꠅ ꠖꠤꠛꠣꠄ।

23 “ꠁꠖꠞ ꠌꠣꠁꠞ ꠘꠝ꠆ꠛꠞ ꠖꠤꠘ ꠙꠥꠞꠣꠙꠥꠞ ꠘꠤꠈꠥꠔ ꠖꠡꠉꠥ ꠛꠤꠍꠣꠟ, ꠖꠥꠉꠥ ꠝꠦꠠꠣ ꠀꠞ ꠌꠃꠖ꠆ꠖꠉꠥ ꠄꠇ ꠛꠍꠞ ꠛꠄꠅꠡꠤ ꠝꠦꠠꠣ-ꠛꠣꠁꠌ꠆ꠌꠣ ꠇꠥꠞꠛꠣꠘꠤ ꠖꠤꠛꠣꠄ। 24 ꠅꠃ ꠛꠤꠍꠣꠟ, ꠝꠦꠠꠣ ꠀꠞ ꠝꠦꠠꠣ-ꠛꠣꠁꠌ꠆ꠌꠣ ꠢꠇ꠆ꠇꠟꠐꠤꠞ ꠟꠉꠦ ꠗꠣꠘ-ꠉꠝꠞ ꠍꠖꠉꠣ, ꠡꠞꠛꠔ-ꠙꠣꠘꠤꠞ ꠍꠖꠉꠣ, ꠙꠡꠥꠞ ꠙꠞꠤꠝꠣꠘ ꠝꠣꠚꠤꠇ ꠀꠖꠣꠄ ꠇꠞꠤꠅ। 25 ꠢꠦꠡꠦ ꠉꠥꠘꠣ ꠝꠣꠚꠤꠞ ꠇꠥꠞꠛꠣꠘꠤꠞ ꠟꠣꠉꠤ ꠄꠉꠥ ꠙꠣꠑꠣ ꠍꠣꠉꠟꠅ ꠖꠤꠛꠣꠄ। ꠖꠤꠀ ꠙꠞꠔꠤ ꠖꠤꠘꠞ ꠎꠣꠟꠣꠁꠟ ꠇꠥꠞꠛꠣꠘꠤ, ꠄꠞ ꠟꠉꠞ ꠗꠣꠘ-ꠉꠝꠞ ꠍꠖꠉꠣ ꠀꠞ ꠡꠞꠛꠔ-ꠙꠣꠘꠤꠞ ꠍꠖꠉꠣꠅ ꠖꠤꠛꠣꠄ।

26 “ꠁꠖꠞ ꠙꠣꠌ ꠘꠝ꠆ꠛꠞ ꠖꠤꠘ ꠘꠤꠈꠥꠔ ꠘꠄꠉꠥ ꠛꠤꠍꠣꠟ, ꠖꠥꠉꠥ ꠝꠦꠠꠣ ꠀꠞ ꠌꠃꠖ꠆ꠖꠉꠥ ꠄꠇ ꠛꠍꠞ ꠛꠄꠅꠡꠤ ꠝꠦꠠꠣ-ꠛꠣꠁꠌ꠆ꠌꠣ ꠇꠥꠞꠛꠣꠘꠤ ꠖꠤꠛꠣꠄ। 27 ꠅꠃ ꠛꠤꠍꠣꠟ, ꠝꠦꠠꠣ ꠀꠞ ꠝꠦꠠꠣ-ꠛꠣꠁꠌ꠆ꠌꠣ ꠢꠇ꠆ꠇꠟꠐꠤꠞ ꠟꠉꠦ ꠗꠣꠘ-ꠉꠝꠞ ꠍꠖꠉꠣ, ꠡꠞꠛꠔ-ꠙꠣꠘꠤꠞ ꠍꠖꠉꠣ, ꠙꠡꠥꠞ ꠙꠞꠤꠝꠣꠘ ꠝꠣꠚꠤꠇ ꠀꠖꠣꠄ ꠇꠞꠤꠅ। 28 ꠢꠦꠡꠦ ꠉꠥꠘꠣ ꠝꠣꠚꠤꠞ ꠇꠥꠞꠛꠣꠘꠤꠞ ꠟꠣꠉꠤ ꠄꠉꠥ ꠙꠣꠑꠣ ꠍꠣꠉꠟꠅ ꠖꠤꠛꠣꠄ। ꠖꠤꠀ ꠙꠞꠔꠤ ꠖꠤꠘꠞ ꠎꠣꠟꠣꠁꠟ ꠇꠥꠞꠛꠣꠘꠤ, ꠄꠞ ꠟꠉꠞ ꠗꠣꠘ-ꠉꠝꠞ ꠍꠖꠉꠣ ꠀꠞ ꠡꠞꠛꠔ-ꠙꠣꠘꠤꠞ ꠍꠖꠉꠣꠅ ꠖꠤꠛꠣꠄ।

29 “ꠁꠖꠞ ꠍꠄ ꠘꠝ꠆ꠛꠞ ꠖꠤꠘ ꠘꠤꠈꠥꠔ ꠀꠐꠉꠥ ꠛꠤꠍꠣꠟ, ꠖꠥꠉꠥ ꠝꠦꠠꠣ ꠀꠞ ꠌꠃꠖ꠆ꠖꠉꠥ ꠄꠇ ꠛꠍꠞ ꠛꠄꠅꠡꠤ ꠝꠦꠠꠣ-ꠛꠣꠁꠌ꠆ꠌꠣ ꠇꠥꠞꠛꠣꠘꠤ ꠖꠤꠅ। 30 ꠅꠃ ꠛꠤꠍꠣꠟ, ꠝꠦꠠꠣ ꠀꠞ ꠝꠦꠠꠣ-ꠛꠣꠁꠌ꠆ꠌꠣ ꠢꠇ꠆ꠇꠟꠐꠤꠞ ꠟꠉꠦ ꠗꠣꠘ-ꠉꠝꠞ ꠍꠖꠉꠣ, ꠡꠞꠛꠔ-ꠙꠣꠘꠤꠞ ꠍꠖꠉꠣ, ꠙꠡꠥꠞ ꠙꠞꠤꠝꠣꠘ ꠝꠣꠚꠤꠇ ꠀꠖꠣꠄ ꠇꠞꠤꠅ। 31 ꠢꠦꠡꠦ ꠉꠥꠘꠣ ꠝꠣꠚꠤꠞ ꠇꠥꠞꠛꠣꠘꠤꠞ ꠟꠣꠉꠤ ꠄꠉꠥ ꠙꠣꠑꠣ ꠍꠣꠉꠟꠅ ꠖꠤꠛꠣꠄ। ꠖꠤꠀ ꠙꠞꠔꠤ ꠖꠤꠘꠞ ꠎꠣꠟꠣꠁꠟ ꠇꠥꠞꠛꠣꠘꠤ, ꠄꠞ ꠟꠉꠞ ꠗꠣꠘ-ꠉꠝꠞ ꠍꠖꠉꠣ ꠀꠞ ꠡꠞꠛꠔ-ꠙꠣꠘꠤꠞ ꠍꠖꠉꠣꠅ ꠖꠤꠛꠣꠄ।

32 “ꠁꠖꠞ ꠡꠣꠔ ꠘꠝ꠆ꠛꠞ ꠖꠤꠘ ꠙꠥꠞꠣꠙꠥꠞ ꠘꠤꠈꠥꠔ ꠡꠣꠔꠉꠥ ꠛꠤꠍꠣꠟ, ꠖꠥꠉꠥ ꠝꠦꠠꠣ ꠀꠞ ꠌꠃꠖ꠆ꠖꠉꠥ ꠄꠇ ꠛꠍꠞ ꠛꠄꠅꠡꠤ ꠝꠦꠠꠣ-ꠛꠣꠁꠌ꠆ꠌꠣ ꠇꠥꠞꠛꠣꠘꠤ ꠖꠤꠛꠣꠄ। 33 ꠅꠃ ꠛꠤꠍꠣꠟ, ꠝꠦꠠꠣ ꠀꠞ ꠝꠦꠠꠣ-ꠛꠣꠁꠌ꠆ꠌꠣ ꠢꠇ꠆ꠇꠟꠐꠤꠞ ꠟꠉꠦ ꠗꠣꠘ-ꠉꠝꠞ ꠍꠖꠉꠣ, ꠡꠞꠛꠔ-ꠙꠣꠘꠤꠞ ꠍꠖꠉꠣ, ꠙꠡꠥꠞ ꠙꠞꠤꠝꠣꠘ ꠝꠣꠚꠤꠇ ꠀꠖꠣꠄ ꠇꠞꠤꠅ। 34 ꠢꠦꠡꠦ ꠉꠥꠘꠣ ꠝꠣꠚꠤꠞ ꠇꠥꠞꠛꠣꠘꠤꠞ ꠟꠣꠉꠤ ꠄꠉꠥ ꠙꠣꠑꠣ ꠍꠣꠉꠟꠅ ꠖꠤꠛꠣꠄ। ꠖꠤꠀ ꠙꠞꠔꠤ ꠖꠤꠘꠞ ꠎꠣꠟꠣꠁꠟ ꠇꠥꠞꠛꠣꠘꠤ, ꠄꠞ ꠟꠉꠞ ꠗꠣꠘ-ꠉꠝꠞ ꠍꠖꠉꠣ ꠀꠞ ꠡꠞꠛꠔ-ꠙꠣꠘꠤꠞ ꠍꠖꠉꠣꠅ ꠖꠤꠛꠣꠄ।

35 “ꠁꠖꠞ ꠀꠐ ꠘꠝ꠆ꠛꠞ ꠖꠤꠘ ꠝꠣꠘꠤ, ꠀꠈꠦꠞꠤ ꠖꠤꠘ ꠛꠤꠖꠣꠄꠁ ꠝꠣꠢꠚꠤꠟ ꠇꠞꠤꠅ, ꠁ ꠖꠤꠘ ꠔꠥꠝꠞꠣ ꠖꠥꠘꠤꠀꠛꠤ ꠘꠤꠅꠔꠦ ꠇꠥꠘꠥ ꠇꠣꠝ-ꠇꠣꠎ ꠇꠞꠤꠅ ꠘꠣ। 36 ꠀꠞ ꠝꠣꠛꠥꠖꠞꠦ ꠈꠥꠡꠤ ꠇꠞꠣꠞ ꠘꠤꠅꠔꠦ ꠊꠦꠞꠣꠘ ꠀꠟꠣ ꠀꠉꠥꠘꠤꠔ ꠖꠦꠅꠀ ꠇꠥꠞꠛꠣꠘꠤ ꠢꠤꠡꠣꠛꠦ ꠄꠇꠈꠣꠘ ꠎꠣꠟꠣꠁꠟ ꠇꠥꠞꠛꠣꠘꠤ ꠖꠤꠛꠣꠄ। ꠄꠞꠟꠣꠉꠤ ꠘꠤꠈꠥꠔ ꠄꠉꠥ ꠛꠤꠍꠣꠟ, ꠄꠉꠥ ꠝꠦꠠꠣ ꠀꠞ ꠡꠣꠔꠉꠥ ꠄꠇ ꠛꠍꠞ ꠛꠄꠅꠡꠤ ꠝꠦꠠꠣ-ꠛꠣꠁꠌ꠆ꠌꠣ ꠇꠥꠞꠛꠣꠘꠤ ꠖꠤꠅ। 37 ꠅꠃ ꠛꠤꠍꠣꠟ, ꠝꠦꠠꠣ ꠀꠞ ꠝꠦꠠꠣ-ꠛꠣꠁꠌ꠆ꠌꠣ ꠢꠇ꠆ꠇꠟꠐꠤꠞ ꠟꠉꠦ ꠗꠣꠘ-ꠉꠝꠞ ꠍꠖꠉꠣ, ꠡꠞꠛꠔ-ꠙꠣꠘꠤꠞ ꠍꠖꠉꠣ, ꠙꠡꠥꠞ ꠙꠞꠤꠝꠣꠘ ꠝꠣꠚꠤꠇ ꠀꠖꠣꠄ ꠇꠞꠤꠅ। 38 ꠢꠦꠡꠦ ꠉꠥꠘꠣ ꠝꠣꠚꠤꠞ ꠇꠥꠞꠛꠣꠘꠤꠞ ꠟꠣꠉꠤ ꠄꠉꠥ ꠙꠣꠑꠣ ꠍꠣꠉꠟꠅ ꠖꠤꠛꠣꠄ। ꠖꠤꠀ ꠙꠞꠔꠤ ꠖꠤꠘꠞ ꠎꠣꠟꠣꠁꠟ ꠇꠥꠞꠛꠣꠘꠤ, ꠄꠞ ꠟꠉꠞ ꠗꠣꠘ-ꠉꠝꠞ ꠍꠖꠉꠣ ꠀꠞ ꠡꠞꠛꠔ-ꠙꠣꠘꠤꠞ ꠍꠖꠉꠣꠅ ꠖꠤꠛꠣꠄ।

39 “ꠔꠦ ꠙꠞꠔꠦꠇ ꠁꠖꠞ ꠇꠣꠟꠅ ꠝꠣꠛꠥꠖꠞ ꠘꠣꠝꠦ ꠔꠥꠝꠞꠣꠞ ꠁꠖ ꠅꠇꠟꠞ ꠘꠤꠅꠝ ꠝꠣꠚꠤꠇ ꠇꠥꠞꠛꠣꠘꠤ ꠀꠖꠣꠄ ꠇꠞꠤꠅ। ꠁꠔꠣ ꠍꠣꠠꠣ, ꠝꠣꠘ꠆ꠘꠔ ꠙꠥꠞꠘꠞ ꠇꠥꠞꠛꠣꠘꠤ, ꠎꠦꠇꠥꠘꠥ ꠘꠚꠟ ꠇꠥꠞꠛꠣꠘꠤꠞ ꠘꠤꠅꠔꠦ ꠎꠣꠟꠣꠁꠟ ꠇꠥꠞꠛꠣꠘꠤ, ꠗꠣꠘ-ꠉꠝꠞ ꠍꠖꠉꠣ, ꠡꠞꠛꠔ-ꠙꠣꠘꠤꠞ ꠍꠖꠉꠣ, ꠀꠞ ꠍꠣꠟꠣꠝꠔꠤ ꠇꠥꠞꠛꠣꠘꠤꠅ ꠀꠖꠣꠄ ꠇꠞꠤꠅ।”

40 ꠝꠣꠛꠥꠖꠦ ꠝꠥꠍꠣ ꠘꠛꠤꠞꠦ ꠎꠦꠔꠣ ꠢꠥꠇꠥꠝ-ꠀꠢꠇꠣꠝ ꠎꠣꠘꠣꠁꠍꠟꠣ, ꠔꠣꠁꠘ ꠁꠔꠣ ꠢꠇ꠆ꠇꠟꠔꠣ ꠛꠘꠤ ꠁꠍꠞꠣꠁꠟꠞꠦ ꠎꠣꠘꠣꠁꠟꠣ।