1 Yawe waamwanine Musa nangue, “Ale kita bibazu bibili bya mabue nga belia bya mambo, evi nembepo twebo tumonke twaali pa belia bibazu bya mambo biwaatobele. 2 Iiteanie lukeele lukeelekeele ukabe kusela pano pa Lupili lwa Sinai ni kusaakaana ni nene peulu lupili. 3 Tekuti ukabe kwiza na unge muntu, ku lupili tekuti kukamoneke unge muntu, mwinsina lupili ni mo tekuti mukamoneke mukooko ao nghombe, ao mbuzi wa kulia bikusi.” 4 Ni pakako, Musa waabaazile bibazu bibili bya mabue byaali nga belia bya mambo, waabuuka paakili lukeelekeele, wasela ku Lupili lwa Sinai nga mwa-aniinue na Yawe, watwama ni bebio bibazu bibili bya mabue mu minue yakue.

5 Kupwako Yawe waakooka mu lilezi litikeeme, waimana ni Musa pa lupili, Yawe wasimikila Liina lyakue mwine, “Yawe.” 6 ✡34.6: Kuf 20.5-6; Mpe 14.18; Mam 5.9-10; 7.9-10Kabili Yawe waapitile ku ntanzi yakua Musa walimukulanda nangue,

8 Penka papo Musa wafwinamina kale pansi ni kupupa. 9 Musa waalandile evi, “We Yawe, kine wangitabizia, nakupaapaata uye pamo ni fwefue anzia kine baba bantu ni babisanguka ni bafinine mitima. Eleela bubi bwetu ni bibalo byetu ututwame tuye twali bantu bobe.”

10 Yawe waamwanine Musa nangue, “Unvua, ndikukita nenu kipingo. Naakakita tupapo ntanzi ya bantu bobe bonse mu musango usinakituepo mu kyalo kyonse, ao mu ntundu yonse, ni bantu bonse bawikeele nabo baakamona miilo yakua Yawe, pantu kintu kinaakakita nobe kyaakaba kya kutiinia. 11 Poozeko maano ku twebo tundimukulanda lelo. Nene nakaba kumitangilila ku ntanzi ni kukumba Ba-amori, ni Bakanaani, ni Bahiti, ni Baperizi, ni Bahivi, pamo ni Bayebusi. 12 Ni pakako, ilabukile tekuti mukapwane na bekala kyalo koko kumulimukuya, evi tekuti mukabe mwakita bubi nga bene. 13 ✡34.13: Mam 16.21Inzi mupalile kutuuta bitale byabo ni kutyonania mapumpu abo azuuke pamo ni kuputulania mikisi yabo yakua Ashera.

14 “Temupalile kupupa leza unge, pantu Yawe Liina lyakue ni Bunkua, wene i Leza wa bunkua. 15 Temupalile kukita kipingo na bene kyalo, pantu musita ubaakaba baelela ngelelo ni kupupa baleza babo, babo bantu nga baakaba bamikupa ni kumibembia kulia bilio bibalibaelela ku baleza babo, 16 kabili nga mwaakeetabizia baana benu balalume kuupa baana babo banakazi balibapupa baleza babo. Babo banakazi baakaba babembia baana benu balalume kupupa baleza babo.

17 ✡34.17: Kuf 20.4; Bal 19.4; Mam 5.8; 27.15“Tekuti mukakite mikisi na mutofue usungulwilue.

18 ✡34.18: Kuf 12.14-20; Bal 23.6-8; Mpe 28.16-25“Mukabe mwakita nsikunkulu ya mukate usiliko ntutumusi. Mu nsiku kilooba mukabe mwalia mukate usiliko ntutumusi nga vinaamyanine. Mukabe mwakita evio pa musita upalile mu mwezi wa Abibu, pantu mu ozo mwezi i umwafumiinemo mu Misri.

19 ✡34.19: Kuf 13.2“Libeli mwalalume wa Baizraeli ni wane, pamo ni kubalua libeli wa biteekua byobe, wa nghombe pamo ni wa mikooko. 20 ✡34.20: Kuf 13.13Inzi punda ndume libeli mwaakamulubula na musoka wa mukooko. Kine temukamulubula, mwaakatyona mukosi wakue. Ni kubalua libeli mwalalume wa muntu mu baana benu mwaakamulubula.

“Tekuti kukabe muntu wa kwiza pa ntanzi yane tekuba watweme bupe.

21 ✡34.21: Kuf 20.9-10; 23.12; 31.15; 35.2; Bal 23.3; Mam 5.13-14“Nsiku mutanda ya mu mulungu mwaakaba mwabombamo miilo. Inzi busiku bwa kilooba mwaakaba mwatuuzia, anzia kine ni pa musita wa kulima ao pa musita wa kuzombola, mwaakaba mwatuuzia.

22 ✡34.22: Bal 23.15-21; 23.39-43; Mpe 28.26-31“Mukabe kuya mwakita Nsikunkulu ya Milungu, ni yo i ya mazabo a mambo a buzombozi bwa nghano, pamo ni Nsikunkulu ya Buzombozi bwa mpeleezio ya mwaka.

23 “Balalume bonse ba mu libumba lyenu baakabe baiza ntanzi yakua Yawe Kabezia Mpungu wakua Izraeli nghendo itatu kubalua mwaka. 24 Nakaba kukumba ntundu ntanzi yenu ni kulundako kyalo kyenu. Kabili tekukaba muntu waakeezia kupoka kyalo kyenu musita umwaakaba mwaiza ntanzi yakua Yawe Leza wenu nghendo itatu mu mwaka.

25 ✡34.25: Kuf 12.10“Tekuti mukabe mwangelela mulopa pamo ni mukate uliko ntutumusi. Tekuti mukabe mwasiapo minofu ya ngelelo ya nsikunkulu ya Pasaka ya kyungulo mpaka lukeelekeele.

26 ✡34.26: Mam 24.21; 26.2“Buzombozi bwa mambo bwa mu makaba enu mupalile mukabe mwabutwala mu Nghanda yakua Yawe Leza wenu.

“Tekuti mukabe mwaeleka mwina mbuzi mu mabeele akua nghina.”

27 Yawe i lu-aamwanine Musa nangue, “Lemba totu twebo pantu twaimaninako kipingo kinapinghana nobe pamo ni Baizraeli.” 28 Musa waikeele ku Lupili lwa Sinai pamo ni Yawe nsiku 40 busiku ni koba pasili kulia bilio ao kumina menda. Ni Yawe waalembele milao lyanondo pa bebio bibazu.

29 ✡34.29: 2 Bak 3.7-16Musa lu-aali walimukukooka kufuma ku Lupili lwa Sinai watweme bibazu bibili bya busininkizio mu minue yakue, lukebu lwakue lwaali lwalimukubenghema pantu waalanzyenie ni Yawe, inzi taali wamanine. 30 Haruni ni Baizraeli bonse lubaamukentele Musa, baamwene lukebu lwakue lwalimukubenghema. Ni pakako, baatiinine kumupalama. 31 Inzi Musa waakuutile Haruni pamo ni banombozi bonse ba mabumba ni kulanda nabo. 32 Pa kyamba, Baizraeli bonse baamupaleeme Musa, ni ye waabaanine twebo tonse twa-aninue na Yawe ku Lupili lwa Sinai. 33 Musa lu-aapwile kulanda nabo, waikupile kitambala ku menso. 34 Inzi Musa lu-aali waingila ntanzi yakua Yawe kuti aye alande nakue, waali waikupulula kitambala mpaka musita wa kufuma. Lu-aali wafuma, waali wabaana Baizraeli twebo tu-aali wa-anua. 35 Baizraeli baali bamona lukebu lwakue lwaali lwabenghema. Musa waali waikupa kitambala paakale mpaka lu-aali waya kulanda ni Yawe paakale.