KITABU KYAKUA
YOELI
BULONDOLOZI
Keki kitabu kili na mbiko yakua Yoeli. Tekuli bintu bingi bimanikile palwakua Yoeli ao palwakua se Betueli. Mu Biblia yalingi, azimbwilue sie mu kitabu kyakua Yoeli ni mu kitabu kya Miilo ya Batumua (Miilo ya Batumua 2.17-21). Basambiliile tebamanine nsiku yaikeele Yoeli pa kyalo ni musita waalembeluepo keki kitabu. Yoeli azimbwilemo Yudea ni Yeruzalemu. Ni pakako, kimwenekele nangue i ku-aabombeele.
Nga vilandile bakabika bange mu Biblia, Yoeli ni ye alandiile palua bupinguzi bwaakeeza pa ntundu ya pa kyalo, ni pali Izraeli pamo ni Yuda. Waakinkiziizie kubalua muntu kuti alapile, ekeefie ni kumukeba Leza (2.12). Pa kyamba, Leza waalaile kukoosiizia Mweo wakue pa bantu bonse (2.28). Mutumua Petro alandile nangue bobu bulayo bwaafikiliziiziwe ku nsikunkulu ya Pentekoste (Miilo ya Batumua 2.17).
Bwipi bwa bili mu kitabu kyakua Yoeli
1. Mu katue ka 1 kwita mu katue ka 2.17 mulandile palua kimina kya luzie mu kyalo.
2. Mu katue ka 2.18 kwita mu katue ka 3 mulondolwelue nangue Leza waakapususia bantu bakue ni kyalo kyakue.
1
1 Mpunda ya keebo kakua Yawe yaizile kuli Yoeli mwana mwina Petueli ni ezi.
Busakukilo bwa luzie
2 Mwe masiiko unvue kaka keebo,
mwe bekazi bonse ba mu kyalo kya Yudea twilizie!
Kubako kintu kya ozu musango kyaakitikilepo kale mu nsiku yenu,
ao mu nsiku ya babikolue benu?
3 Kaka keebo mukabe kwanako baana benu,
baana benu ni bo bakaaneko baana babo,
ni babo baana babo bakaaneko nvyalo yaakakonkapo.
4 Belia byaasiilueko na balyambala,
byaaliilue na kisepe kya luzie.
Byaasiilueko na kisepe kya luzie,
byaaliilue na bazingilila.
Ni byaasiilueko na bazingilila,
byaaliilue na mifwinzi.
5 Mwe bakyakolua, buuke mulile.
Mwe bamini ba divai, angule.
Angule pa mulandu wa divai ya lenu,
pantu mwakipokua ku milomo yenu.
6 ✡1.6: Nfy 9.8Kisepe kya luzie kyakisakukila kyalo kyane,
kisepe kya luzie lusililwapendeka,
lolo luli ni meeno a nkalamu,
ni luli ni lumuma lwa nkalamu mukota.
7 Lwakiinoona mizabibu yane,
lwakilovia miku yane,
lwakyubulako mamba,
lwaki-apooza kule.
Lwakisia misambo yaswetele sie pepepe.
8 Lila nga kinundue avwele lisaaka,
kinundue onvwile bulanda pa mulandu wa kufwilua na musakua wakue.
9 Bupe bwa misenga ya nghano ni bupe bwa bya kumina,
tebukili bwaleetua mu nghanda yakua Yawe.
Ni pakako, balia babitambua balibabomba ntanzi yakua Yawe,
bali mu malilo.
10 Makaba ainoonua,
musili waumina.
Tekukili nghano,
tekukili divai ya lenu,
mafuta a mizeituni akama.
11 Mwe balimi polokelue,
mwe balimi ba mizabibu lile.
Unvue bulanda pa mulandu wa nghano ni shairi,
pantu buzombozi bwa mu makaba enu bwainoonua.
12 Misila ya mizabibu teisyaumine.
Bimuti bya miku tebisyafumpile.
Bimuti bya komamanga ni bya bunkindu pamo ni bya pome,
byonse tebisyaumine.
Kisinka nsansa ya bantu teisyapwile.
13 Mwe babitambua, vwale masaaka mulile,
mwe balibabombela ku kitale, loosie.
Ize mupunge busiku bonse mwavwele masaaka.
Mwe balibabombela Leza wane,
pantu bupe bwa misenga ya nghano ni bupe bwa bya kumina
tebukili bwaleetua mu Nghanda yakua Yawe.
14 Punde palua kuizilika kuzuuke.
Kuute libumba lya bazuuke.
Kuute masiiko
pamo ni bonse bekeele mu kyalo,
baye mu Nghanda yakua Yawe Leza wenu,
ni kumulilila Yawe.
15 ✡1.15: Isa 13.6Lisyamo pa bobo busiku!
Pantu busiku bwakua Yawe bwapalama,
bwakaba kwiza nga lwinoono kufuma kuli wa Maka onse.
16 Twimweneene na menso etu bilio vibisikilibyamoneka,
ni mu nghanda yakua Leza vimusikili nsansa ni musangalalo.
17 Mbezu teisyaumine mu bibungulu bya bulongo buume.
Mu milue temukili kantu,
milue ya bilio yatuutua,
pantu temukili kantu.
18 Mone nghombe vi-ilimukulila!
Bisepe bilimukwema
pantu tebikili na bilio.
Bisepe bya mikooko ni byo bilimukwema.
19 We Yawe nakukuuta.
Nakukuuta pantu mulilo wazizia bikusi bya mu kisonso.
Ni libeebe lyazizia bimuti byonse bya mu makaba.
20 Nama yonse ya mu kisonso ni yo yakulilila,
pantu twezi twa menda twakikama.
Mulilo wazizia bikusi byonse bya mu kisonso.