1 Rehoboam chu Shachem mun'a achetan ahi, ajeh chu hichelai mun a chu Israel mipi chu hung kikhom uva ama chu Leng'a pansah ding atiu ahi. 2 Hiche thu chu Nebat chapa Jeroboam in ajahdoh phat chun, Lengpa Solomon a konna sochatna ding deina jal'a Egypt gam'a ana jammangna Egypt mun a kon chun ahung kile kit tan ahi. 3 Israel lamkai ho chun ama chu akou uvin, chuin Jeroboam le Israel mipi chu Rehoboam kihoupi ding chun acheuvin ama kom'a chun hitin asei uvin ahi. 4 “Napan kachung uva akoi namkol jon hi agihval'e, hiche natoh hahsa le kachung uva kikoi namkol jon gihtah hi nei suhjang peh uvin,” atiuvin ahi.

5 Rehoboam in adonbut in, “Nithum jou le kaheng'a hung kile kitnun,” ati. Hiti chun mipi ho chu achemang tauvin ahi.

6 Chuin Rehoboam lengpa chun apa Solomon dam laiya alhachaa ana pang upaho ahoulim pin, hiche miho hi iti donbut leng nati uvem? tin aman adong tan ahi.

7 Ama hon adonbut un, “Hiche miho chu na khotoa ahile amaho chu lunglhai sah inlang angaichat bang bangu chun donbut tan; chutileh amaho chu na lhachan pang jing tauvinte,” , atiuvin ahi.

8 Ahinlah Rehoboam chun upahon thumop apeh uchu anoppeh tapon, chuin ama toh thakhatna hung seilen le ama jenle khangthah ho chu ahoulimpi'n ahi. 9 Aman amaho chu adongin, “Nangho thumop ipi hi ding ham? Iti lam'a hiche mihon kakom'a aseiyu napan kachung uva akoi namkol jon hi neisuh jangpeh un, tia asei uhi iti lam'a adonbutna ipeh diu ham?” ati.

10 Ama toh hung seilen khom khangthah ho chun adonbut un, “Pohgih suhjang peh dia kiphin ho chu hiche hi na seipeh ding ahi: 'Ka mecha hi kapa kong sanga lenjo ahi! 11 Kapan namkol jon gih chu keiman agihjep a kabol ding ahi! Kapan savun khaohol'a najep u ahin, keiman aipi a kajep ding nahiuve!' tin seipeh un,” atiuve.

12 Lengpan, “Nithum sungin kakom'a hungkit nun,” atibang bang chun Jeroboam le mipi ho jouse chu nithum jouvin Rehoboam kom'a ahungkit tauvin ahi. 13 Ahinlah Rehoboam chun huham tah in amaho jah uva chun thu aseijin, upaho thumop chu anotthap e 14 chule khangthah ho thumop chu ajuijin ahi. Miho jah achun, “Kapan na namkoljon gihtah in asemin, keiman agihjo cheh a kasempeh ding nahive! Kapan savun khao holla najep u ahin, keiman aipi a kajep ding nahiuve!” ati.

15 Hiti chun Lengpa chun mipi ho thu chu angaipeh tapon ahi. Ajeh chu hiche thilsoh ho jouse hi Pathen a konna Sheloh mipa Ahijah in Nebat chapa Jeroboam kom'a, Pakaijin ana seidohsa thu chu guilhung ahi.

16 Israel mipi ho chun lengpan athusei angaipeh louphat uchun lengpa chu adonbut nun,

Hiti chun Israel mipi jouse chu a inlam uva akile tauvin ahi. ✡2 Samuel 20:1 17 Ahinlah Judah khopi hoa cheng jing nalai Israel mite ding chun, Rehoboam in vai ahom nalaijin ahi.

18 Lengpa Rehoboam chun Adoniram kitipa ada acham louva na kitohsah ho chunga mopopa chu asoldoh in, ahinlah ama chu Israel mipi hon songa ana seplih tauvin ahi. Hijeng jongleh Lengpa Rehoboam chu asakol kangtalai achun ana kaldoh man in, Jerusalem lama ana jamdoh in ahi. 19 Hiti chun Israel mite chun tuni chanin, David insung chu adou jing nalaiyun ahi.