7
Thenso dinga kitohdohho
1 Mose chun Houbuh atundoh ni chun thao anun, atheng in atum koi tai. Aman thilkeo jouse jong thao anun, Houbuh sung manchahho, maicham phung leh athilkeo ho jong atheng in atum koitai. 2 Chuin Israel te lamkai ho akilom a um miho min jihlut a pang phung lamkaiho- ahungun, ama ama thilto ahin polut cheh uvin ahi. 3 Ama hon abonchauvin Sakol kangtalai len tahtah gup toh bongchal som le ni ahin kaiyun ahi. Sakol kangtalai khat chu lamkai ni a ahin, bongchal khat cheh chu lamkai khat cheh a ahi. Hiche ho cheng hi Pakaiya ding Houbuh mai a chun apeuvin ahi. 4 Chuin Pakaiyin Mose kom'a seiyin, 5 “Thilpeh ho chu sang'in, sakol kangtalai leh bongchal ho chu Houbuh pohlena a nanei ding ahi. Levi te chu atoh dungjui cheh un homkhen in.” 6 Hiti chun Mose’n kangtalaiho leh bongchal ho chu Levi te apetan ahi. 7 Mose’n kangtalai ni le bongchal li chu Gershon ten anatohna uva amanchah ding uvin apetan, 8 chuleh kangtalai li le bongchal get chu Meraribten anatohna uva amanchah ding uvin apetai. Na kitong jouse aboncha a thempu Aaron chapa Ithamar vaihomna noiya um sohkei ahi. 9 Ahinlah Houbuh a kimangcha thil theng ho chu alengkou uva apoh dingu ahijeh chun Kohat te vang chu kangtalai ho le bongchal ho imacha apepon ahi. 10 Lamkaiho jousen jong kilhanthengna thilpeh ahin kichoi cheh uvin, kisuhtheng nikho chun maicham phunga akoi cheh tauve. 11 Pakaiyin Mose kom'a aseiyin, “Maicham kithensona dingin lamkai khat in thilpeh khat cheh hintoh hen.”
12 Nikho masapen tah chu Nahson kiti Aminadab chapa Judah phung lamkai chun maicham a ahin pelut in ahi.
13 Ama thilto chu dangka kongtong pound 3 le dangka kong pound 1 a gih (muntheng a thil tena shekel dungjuiya kite) ahi. Hiche kong tenia chang le miim thilto changbong chu Olive thao a kisunou cheh ahi. 14 Aman sana kong dimset gimnamtui ounce li a gih jong ahin choijin ahi. 15 Aman bongla, kelngoi chal, chule kumkhat lhingsa kelnou chal chu pumgo maicham dingin, 16 chule kelcha achal khat chu chonset kithoina maichama pang dingin ahin kai in ahi. 17 Chamna maicham adin bongchal ni, kelngoichal nga, kelchal nga, kelngoi kumkhat lhingsa nga ho chu ahinkai in ahi. Hichengse hi Amminadab chapa Nahson in kilhaina thilto a ahinto ho chu ahiye.
18 Nikho ni lhinni in Zuar chapa Nethanel, Issachar phung lamkai pan, amaicham ahin tohdoh in ahi.
19 Ama thilto chu dangka kongtong pound 3 le dangka kong pound 1 a gih (muntheng a thil tena shekel dungjuiya kite) ahi. Hiche kong tenia chang le miim thilto changbong chu Olive thao a kisunou cheh ahi. 20 Aman sana kong dimset gimnamtui ounce li a gih jong ahin choijin ahi. 21 Aman bongla, kelngoi chal, chule kumkhat lhingsa kelnou chal chu pumgo maicham dingin, 22 chule kelcha achal khat chu chonset kithoina maichama pang dingin ahin kai in ahi. 23 Chamna maicham adin bongchal ni, kelngoichal nga, kelchal nga, kelngoi kumkhat lhingsa nga ho chu ahinkai in ahi.Hichengse hi Zuar chapa Nethanel in kilhaina thilto a ahinto ho chu ahiye.
24 Anithum lhinnin Helon chapa Eliab, Zebulun te phung lamkai pan jong amaicham ahin tohdoh in ahi.
25 Ama thilto chu dangka kongtong pound 3 le dangka kong pound 1 a gih (muntheng a thil tena shekel dungjuiya kite) ahi. Hiche kong tenia chang le miim thilto changbong chu Olive thao a kisunou cheh ahi. 26 Aman sana kong dimset gimnamtui ounce li a gih jong ahin choijin ahi. 27 Aman bongla, kelngoi chal, chule kumkhat lhingsa kelnou chal chu pumgo maicham dingin, 28 chule kelcha achal khat chu chonset kithoina maichama pang dingin ahin kai in ahi. 29 Chamna maicham adin bongchal ni, kelngoichal nga, kelchal nga, kelngoi kumkhat lhingsa nga ho chu ahinkai in ahi.Hichengse hi Helon chapa Eliab in kilhaina thilto a ahinto ho chu ahiye.
30 Nili lhinnin Sheduer chapa Elizur, Reuben phung lamkai pan jong amaicham ahin tohdoh in ahi.
31 Ama thilto chu dangka kongtong pound 3 le dangka kong pound 1 a gih (muntheng a thil tena shekel dungjuiya kite) ahi. Hiche kong tenia chang le miim thilto changbong chu Olive thao a kisunou cheh ahi. 32 Aman sana kong dimset gimnamtui ounce li a gih jong ahin choijin ahi. 33 Aman bongla, kelngoi chal, chule kumkhat lhingsa kelnou chal chu pumgo maicham dingin, 34 chule kelcha achal khat chu chonset kithoina maichama pang dingin ahin kai in ahi. 35 Chamna maicham adin bongchal ni, kelngoichal nga, kelchal nga, kelngoi kumkhat lhingsa nga ho chu ahinkai in ahi. Hichengse hi Sheduer chapa Elizur in kilhaina thilto a ahinto ho chu ahiye.
36 Ni-nga lhinna in Zurisaddai chapa Shelumiel, Simeon phung lamkai pan jong amaicham ahin tohdoh in ahi.
37 Ama thilto chu dangka kongtong pound 3 le dangka kong pound 1 a gih (muntheng a thil tena shekel dungjuiya kite) ahi. Hiche kong tenia chang le miim thilto changbong chu Olive thao a kisunou cheh ahi. 38 Aman sana kong dimset gimnamtui ounce li a gih jong ahin choijin ahi. 39 Aman bongla, kelngoi chal, chule kumkhat lhingsa kelnou chal chu pumgo maicham dingin, 40 chule kelcha achal khat chu chonset kithoina maichama pang dingin ahin kai in ahi. 41 Chamna maicham adin bongchal ni, kelngoichal nga, kelchal nga, kelngoi kumkhat lhingsa nga ho chu ahinkai in ahi. Hichengse hi Zurishaddai chapa Shelumiel in kilhaina thilto a ahinto ho chu ahiye.
42 Ni-gup lhinnin Deuel chapa Eliasaph, Gad phung lamkai pan jong amaicham ahin tohdoh in ahi.
43 Ama thilto chu dangka kongtong pound 3 le dangka kong pound 1 a gih (muntheng a thil tena shekel dungjuiya kite) ahi. Hiche kong tenia chang le miim thilto changbong chu Olive thao a kisunou cheh ahi. 44 Aman sana kong dimset gimnamtui ounce li a gih jong ahin choijin ahi. 45 Aman bongla, kelngoi chal, chule kumkhat lhingsa kelnou chal chu pumgo maicham dingin, 46 chule kelcha achal khat chu chonset kithoina maichama pang dingin ahin kai in ahi. 47 Chamna maicham adin bongchal ni, kelngoichal nga, kelchal nga, kelngoi kumkhat lhingsa nga ho chu ahinkai in ahi.. Hichengse hi Eliasaph chapa Deuel in kilhaina thilto a ahinto ho chu ahiye.
48 Nisagi lhinna in Ammihud chapa Elishama, Ephraim te phung lamkai pan jong amaicham ahin tohdoh in ahi.
49 Ama thilto chu dangka kongtong pound 3 le dangka kong pound 1 a gih (muntheng a thil tena shekel dungjuiya kite) ahi. Hiche kong tenia chang le miim thilto changbong chu Olive thao a kisunou cheh ahi. 50 Aman sana kong dimset gimnamtui ounce li a gih jong ahin choijin ahi. 51 Aman bongla, kelngoi chal, chule kumkhat lhingsa kelnou chal chu pumgo maicham dingin, 52 chule kelcha achal khat chu chonset kithoina maichama pang dingin ahin kai in ahi. 53 Chamna maicham adin bongchal ni, kelngoichal nga, kelchal nga, kelngoi kumkhat lhingsa nga ho chu ahinkai in ahi. Hichengse hi Ammihud chapa Elishama in kilhaina thilto a ahinto ho chu ahiye.
54 Niget lhinna in Pedahzur Chapa Gamaliel, Manasseh te phung lamkai pan jong amaicham ahin tohdoh in ahi.
55 Ama thilto chu dangka kongtong pound 3 le dangka kong pound 1 a gih (muntheng a thil tena shekel dungjuiya kite) ahi. Hiche kong tenia chang le miim thilto changbong chu Olive thao a kisunou cheh ahi. 56 Aman sana kong dimset gimnamtui ounce li a gih jong ahin choijin ahi. 57 Aman bongla, kelngoi chal, chule kumkhat lhingsa kelnou chal chu pumgo maicham dingin, 58 chule kelcha achal khat chu chonset kithoina maichama pang dingin ahin kai in ahi. 59 Chamna maicham adin bongchal ni, kelngoichal nga, kelchal nga, kelngoi kumkhat lhingsa nga ho chu ahinkai in ahi.Hichengse hi Pedahzur chapa Gamaliel in kilhaina thilto a ahinto ho chu ahiye.
60 Niko lhinna in Gideoni chapa Abidan, Benjamin phunga lamkai pan amaicham ahin tohdoh in ahi.
61 Ama thilto chu dangka kongtong pound 3 le dangka kong pound 1 a gih (muntheng a thil tena shekel dungjuiya kite) ahi. Hiche kong tenia chang le miim thilto changbong chu Olive thao a kisunou cheh ahi. 62 Aman sana kong dimset gimnamtui ounce li a gih jong ahin choijin ahi. 63 Aman bongla, kelngoi chal, chule kumkhat lhingsa kelnou chal chu pumgo maicham dingin, 64 chule kelcha achal khat chu chonset kithoina maichama pang dingin ahin kai in ahi. 65 Chamna maicham adin bongchal ni, kelngoichal nga, kelchal nga, kelngoi kumkhat lhingsa nga ho chu ahinkai in ahi. Hichengse hi Gideoni chapa Abidan in kilhaina thilto a ahinto ho chu ahiye.
66 Nisom lhinna in, Ammishaddai chapa Ahiezer, Dan phung lamkaipan amaicham ahin tohdoh in ahi.
67 Ama thilto chu dangka kongtong pound 3 le dangka kong pound 1 a gih (muntheng a thil tena shekel dungjuiya kite) ahi. Hiche kong tenia chang le miim thilto changbong chu Olive thao a kisunou cheh ahi. 68 Aman sana kong dimset gimnamtui ounce li a gih jong ahin choijin ahi. 69 Aman bongla, kelngoi chal, chule kumkhat lhingsa kelnou chal chu pumgo maicham dingin, 70 chule kelcha achal khat chu chonset kithoina maichama pang dingin ahin kai in ahi. 71 Chamna maicham adin bongchal ni, kelngoichal nga, kelchal nga, kelngoi kumkhat lhingsa nga ho chu ahinkai in ahi. Hichengse hi Ammishaddai chapa Ahiezer in kilhaina thilto a ahinto ho chu ahiye.
72 Nisom le khat lhinna in Ocran chapa Pagiel, Asher phung lamkai pan anoija ho hi maicham a din ahin tohdoh e.
73 Ama thilto chu dangka kongtong pound 3 le dangka kong pound 1 a gih (muntheng a thil tena shekel dungjuiya kite) ahi. Hiche kong tenia chang le miim thilto changbong chu Olive thao a kisunou cheh ahi. 74 Aman sana kong dimset gimnamtui ounce li a gih jong ahin choijin ahi. 75 Aman bongla, kelngoi chal, chule kumkhat lhingsa kelnou chal chu pumgo maicham dingin, 76 chule kelcha achal khat chu chonset kithoina maichama pang dingin ahin kai in ahi. 77 Chamna maicham adin bongchal ni, kelngoichal nga, kelchal nga, kelngoi kumkhat lhingsa nga ho chu ahinkai in ahi. Hichengse hi Ocran chapa Pagiel in kilhaina thilto a ahinto ho chu ahiye.
78 Nisom le ni lhinna in Enan chapa Ahira, Napthali phung lamkaipan amaicham ahin tohdoh in ahi.
79 Ama thilto chu dangka kongtong pound 3 le dangka kong pound 1 a gih (muntheng a thil tena shekel dungjuiya kite) ahi. Hiche kong tenia chang le miim thilto changbong chu Olive thao a kisunou cheh ahi. 80 Aman sana kong dimset gimnamtui ounce li a gih jong ahin choijin ahi. 81 Aman bongla, kelngoi chal, chule kumkhat lhingsa kelnou chal chu pumgo maicham dingin, 82 chule kelcha achal khat chu chonset kithoina maichama pang dingin ahin kai in ahi. 83 Chamna maicham adin bongchal ni, kelngoichal nga, kelchal nga, kelngoi kumkhat lhingsa nga ho chu ahinkai in ahi. Hichengse hi Enan chapa Ahira in kilhaina thilto a ahinto ho chu ahiye.
84 Israel a phung lamkai hon maicham phung thao ana kinu a kilhandohna maicham dia ahin todoh hou chu: Sum-eng lhengkong len som le ni, Sum-eng kisilna kong som le ni, gimnamtui kikholna sana lhengkong ho ahiuve. 85 Hou-Intheng a shekel kitena a ilep leh sum-eng lhengkong len khat gihdan chu pounds 3 ahin chuleh sum-eng kisilna kong khat gihdan chu pounds 1 ahi. Sum-eng mong mong agihdan chu pounds 60 ahi. 86 Hou-Intheng a shekel kitena a ilep leh Sana lhengkong som le ni khat cheh gimnamtui jaona a agihdan chu ounces 4 (muntheng a thil tena shekel dungjuiya kite) ahi. Sana mong mong agom a agihdan chu pounds 3 ahi. 87 Bongchal anou som le ni, kelngoi achal lhingset som le ni, kum khat lhing cheh kelngoi achal som le ni pumgo thilto a dingin ahung kitoh in, todoh dinga umsa lhosoh maicham jong ahi. Chonset kilhaina maicham dingin kelcha achal som le ni ahung kikailut in ahi. 88 Chamna maicham dingin bongchal somni le li, kelngoi achal lhingset somgup, kelchal somgup, kumkhat lhingsa kelngoi chal somgup ahung kitohdoh in ahi. Hicheng hi maicham phung thao akinu jouva maicham phunga dia hung kitohho ahi. 89 Mose chu Pakai toh kihou dinga Houbuh sunga alutji teng, aman houpina awgin thingkhong akhu themmona a konna themchanna mun - Kitepna thingkhong chunga kinga Cherub teni lailunga kon chun aja jin ahi. Hiche lai mun a konna chu Pakaiyin ama chu ahin houpi ji ahiye.
DRAFT COPY