1 Israel mite chu Acacia Grove mun’a abusah laiyun, pasal phabep Moab mite numeiho toh ajong tauvin ahi. 2 Hiche Moab numei te chun a pathen kom uvaaum laitah uchunh akilhan nau kin a lha dingin atem uvin, Israel mite chun aneh khompi uvin Moab te pathen ahou tauve. 3 Hiti pichun Israel miten Peor a Baal kiti ahou uchu ajop tauvin; Pathen lunghanna chu ahung deu jah jeng tai. 4 Pathen'in Mose chu a houlimpin hiche mite lamkai ho hi koukhom un Pathen masang ah; sunkim laitah leh amaho hin khom in alamkai nau lahdoh pehtan, hiche jeh a chu Israel mite chunga Pathen lunghanna akichon mang theina dingin, ati. 5 Hichun Mose’n Israel te thutan lamkai ho agahchah in, “Nanghon na thanei nau noiya um ho lah a koi hijongleh Peor mun a Baal hou tapou na thadoh diu ahi, ati. 6 Hichun Israel mi khat in ama insung mite masanga Midian numei khat Mose masang laitah achun ahin puilut e; Hichu Israel mipite chu Houbuh masanga kap le maova aum laitah u ahiye. 7 Chuin Phinehas kiti Eleazer chapa Aaron thempu pa tupa chun amu phat in, Israel mipi kikhopna chu adalhan, achom doh phut in, akhutna tengcha akichoijin ahi. 8 Aponbuh sunggei ajuilut in, a tengpi hin choi chun pasal pa tahsa leh numeinu oipoh chu asun paijin akilbeh tha jeng tai. Hiche jeh chun Israel mite chunga gotna hise lang chu atang tan, 9 ahinlah mi 24,000 athi jou uvin bou atang'e. 10 Chuin Pakaiyin Mose henga hiti hin aseiyin, 11 Eleazer chapa Phinehas kiti Aaron thempu tupa ama tah hin Israel chate chunga ka lunghanna jouse eisuh mang peh a; ei kipasah ahitai. Ajeh chu amapa hi keima dinga thangtom tah leh gunchu tah in apang in, hiche ho jeh a chu Israel chate ka suhmang louding ahitai, tin a seije. 12 Tun ama gaseipeh un; Israel te chungah cham le lungmon anei tah diuvin kitepna kabol e. 13 Ka kitepna ahin keiman Ama ahin Ama chilhah ho chunga atonsot na thempu phunga ka semdoh ding ahi ajeh chu Phinehas chu a Pathen ding’a thangtom tah a pang ahitan Israel chate dinga kisuhthengna maicham semdohpa kiti ding ahitai. 14 Midian numei toh thikhom Israel pasal pa chu Salu chapa Zimri akitin, Simeon phunga kon insung lamkaipa ahi. 15 Numeinu chu Cozbi ahin; Midian mite phung lamkaipa Zur chanu ahi. 16 Chuin Pakaiyin Mose henga aseiyin, 17 Midian mite chu lonvuh inlang sumangun, 18 ajeh chu Peor mun a Baal houna dia ama hon jou le lungthimbol a na suhgim u ahin, chule Peor thilsoh jeh a natse a thi Midian lamkai pa chanu Cozbi jeh ahi,” ati.