26
Israel Sepai Jat Kisim Niveina
1 Gamna hise kichai nung chun, Pakaiyin Mose le Aaron thempu pa chapa Eleazar jah a, ✡Minbu 1:1-46 2 “Israel mite jouse lah a ama insung dungjuiyun gal-hang ho min jihdoh un. Pasal kum somni ahilouleh somni chunglam galkon thei jouse,” ati. 3 Chuin Mose le Eleazer thempu pa’n Moab phaicham Jordan kom'ah Jericho gal langa aum laitah un, Israel lamkai ho hengah hiche thu ho apelhon'in ahi: 4 “Pakaiyin Mose athupeh bangin Israel mite kum som nia pat chunglam min jihlutna neiyun,” Hiche hi Egypt a konna hung potdoh Israel chilhah jouse kijihlut chu ahi.
Reuben Phung
5 Hiche hi Jacob chapa te lah a atahpen Reuben phung khailhah ho ahiuve:
Hanoch mite phung min chu apuluiyu Hanoch a konna kiminsah ahi.
Pallu mite phung min chu apuluiyu Pallu a konna kiminsah ahi.
6 Hezron mite phung min chu apuluiyu Hezron a konna kiminsah ahi.
Carmi mite phung min chu apuluiyu Carmi a konna kiminsah ahi.
7 Hiche ho hi Reuben phung ho chu ahiuve. Galsat thei kijihlut jat chu 43,730 ahi 8 Pallu chu Eliab hung kondohna ahin, 9 chule Eliab chu Nemuel, Dathan le Abiram pa ahi. Hiche Dathan le Abiram hi Korah toh guthim'a kiloiya Pakai douna a Mose le Aaron ana dou u ahi. 10 Ahinlah leiset in akam akah in amaho chu Korah toh avallhum tauvin, chule anungjui mi 250 meikong in abahgam tauvin ahi. Hiche thilsoh hi Israel nam pumpi dinga gihna thilsoh ahi. 11 Hijeng jongleh chu che nikho chun Korah chapa te vang chu athi pouvin ahi.
Simeon Phung
12 Hiche ho hi Simeon a konna phung khailhah ho ahiuve:
Jemuel mite phung min chu apuluiyu Jemuel a konna kiminsah ahi.
Jemuel mite phung min chu apuluiyu Jemin a konna kiminsah ahi.
Jakin mite phung min chu apuluiyu Jakin a konna kiminsah ahi.
13 Zohar mite phung min chu apulauiyu Zohar a konna kiminsah ahi.
14 Hiche ho hi Simeon phung ho chu ahiuve. Galsat thei kijihlut jat chu 22,200 ahi
Gad Phung
15 Hiche ho hi Gad a konna phung khailhah ho ahiuve:
Zephon mite phung min chu apuluiyu Zephon a konna kiminsah ahi.
Haggi mite phung min chu apuluiyu Haggi a konna kiminsah ahi.
Shuni mite phung min chu apuluiyu Shuni a konna kiminsah ahi.
16 Ozni mite phung min chu apuluiyu Ozni a konna kiminsah ahi.
Eri mite phung min chu apuluiyu Eri a konna kiminsah ahi.
17 Arodi mite phung min chu apuluiyu Arodi a konna kiminsah ahi.
Areli mite phung min chu apuluiyu Areli a konna kiminsah ahi.
18 Hiche ho hi Gad phung ho chu ahiuve. Galsat thei kijihlut jat chu 40,500 ahi.
Judah Phung
19 Judah chun chapa ni aneijin, Er le Onan ahin, Canaan gam'ah ana thi lhon tai. 20 Hiche hohi Judah chapa teni a konna phung khailhah ho ahiuve:
Shelah mite phung min chu apuluiyu Shelah a konna kiminsah ahi.
Perez mite phung min chu apuluiyu Perez a konna kiminsah ahi.
Zerah mite phung min chu apuluiyu Zerah a konna kiminsah ahi.
21 Hiche ho hi Perez a konna kikhailha phung bahkai ho ahiuve:
Hezron mite phung min chu apuluiyu Hezron a konna kiminsah ahi.
Hamul mite phung min chu apuluiyu Hamul a konna kiminsah ahi.
22 Hiche ho hi Judah phung ho chu ahiuve. Galsat thei kijihlut jat chu 76,500 ahi.
Issachar Phung
23 Hiche ho hi Issachar a konna phung khailhah ho ahiuve:
Tola mite phung min chu apuluiyu Tola a konna kiminsah ahi.
Puah mite phung min chu apuluiyu Puah a konna kiminsah ahi.*As in Samaritan Pentateuch, Greek and Syriac versions, and Latin Vulgate (see also 1 Chr 7:1); Hebrew reads The Punite clan, named after its ancestor Puvah.
24 Jashub mite phung min chu apuluiyu Jashub a konna kiminsah ahi.
Shimron mite phung min chu apuluiyu Shimron a konna kiminsah ahi.
25 Hiche ho hi Issachar phung ho chu ahiuve. Galsat thei kijihlut jat chu 64,300 ahi.
Zebulun Phung
26 Hiche ho hi Zebulun a konna phung khailhah ho ahiuve:
Sered mite phung min chu apuluiyu Sered a konna kiminsah ahi.
Elon mite phung min chu apuluiyu Elon a konna kiminsah ahi.
Jahleel mite phung min chu apuluiyu Jahleel a konna kiminsah ahi.
27 Hiche ho hi Zebulun phung ho chu ahiuve. Galsat thei kijihlut jat chu 60,500 ahi.
Manasseh Phung
28 Joseph a konin Masasseh le Ephraim phung ahung kikhailhan ahi.
29 Hiche ho hi Manasseh a konna kikhailha phung ho ahiuve:
Makir mite phung min chu apuluiyu Makir a konna kiminsah ahi.
Gilead mite phung min chu apuluiyu Makir chapa Gilead a konna kiminsah ahi.
30 Hiche ho hi Gilead a konna kikhailha phung ho ahiuve:
Iezer mite phung min chu apuluiyu Iezer a konna kiminsah ahi.
Helek mite phung min chu apuluiyu Helek a konna kiminsah ahi.
31 Asriel mite phung min chu apuluiyu Asriel a konna kiminsah ahi.
Shechem mite phung min chu apuluiyu Shechem a konna kiminsah ahi.
32 Shemida mite phung min chu apuluiyu Shemida a konna kiminsah ahi.
Hepher mite phung min chu apuluiyu Hepher a konna kiminsah ahi.
33 (Hepher chilhah Zelophehad chun chapa aneipon, ahin achanu te chu Mahlah, Noah, Hoglah, Milcah, le Tirzah ahiuve.)
34 Hiche ho hi Masasseh phung ho chu ahiuve. Galsat thei kijihlut jat chu 52,700 ahi.
Ephraim Phung
35 Hiche ho hi Ephraim a konna kikhailha phung ho ahiuve:
Shuthelah mite phung min chu apuluiyu Shuthelah a konna kiminsah ahi.
Beker mite phung min chu apuluiyu Beker a konna kiminsah ahi.
Tahan mite phung min chu apuluiyu Tahan a konna kiminsah ahi.
36 Hiche hi Shuthelah a konna phung bahkai ahi:
Eran mite phung min chu apuluiyu Eran a konna kiminsah ahi.
37 Hiche ho hi Ephraim phung ho chu ahiuve. Galsat thei kijihlut jat chu 32,500 ahi.
Manasseh le Ephraim a konna phung ho chu aboncha Joseph chilhah ahiuve.
Benjamin Phung
38 Hiche ho hi Benjamin a konna kikhailha phung ho ahiuve:
Bela mite phung min chu apuluiyu Bela a konna kiminsah ahi.
Ashbel mite phung min chu apuluiyu Ashbel a konna kiminsah ahi.
Ahiram mite phung min chu apuluiyu Ahiram a konna kiminsah ahi.
39 Shupham mite phung min chu apuluiyu Shupham a konna kiminsah ahi.*As in some Hebrew manuscripts, Samaritan Pentateuch, Greek and Syriac versions, and Latin Vulgate; most Hebrew manuscripts read Shephupham.
Hupham mite phung min chu apuluiyu Hupham a konna kiminsah ahi.
40 Hiche ho hi Bela a konna phung bahkai ho ahiuve:
Ard mite phung min chu apuluiyu Ard a konna kiminsah ahi.*As in Samaritan Pentateuch, some Greek manuscripts, and Latin Vulgate; Hebrew lacks named after their ancestor Ard.
Naaman mite phung min chu apuluiyu Naaman a konna kiminsah ahi.
41 Hiche ho hi Benjamin phung ho chu ahiuve. Galsat thei kijihlut jat chu 45,600 ahi.
Dan Phung
42 Hiche ho hi Dan a konna phung bahkai ho ahiuve:
Shuham mite phung min chu apuluiyu Shuham a konna kiminsah ahi.
43 Hiche ho hi Dan a konna Shuham phung ho chu ahiuve. Galsat thei kijihlut jat chu 64,400 ahi.
Asher Phung
44 Hiche ho hi Asher chapa te a konna phung khailhah ho ahiuve:
Imnah mite phung min chu apuluiyu Imnah a konna kiminsah ahi.
Ishvi mite phung min chu apuluiyu Ishvi a konna kiminsah ahi.
Beriah mite phung min chu apuluiyu Beriah a konna kiminsah ahi.
45 Hiche ho hi Beriah a konna phung bahkai ho ahiuve:
Heber mite phung min chu apuluiyu Heber a konna kiminsah ahi.
Malkiel mite phung min chu apuluiyu Malkiel a konna kiminsah ahi.
46 Asher in jong chanu Serah kiti khat aneije.
47 Hiche ho hi Asher a konna phung ho chu ahiuve. Galsat thei kijihlut jat chu 53,400 ahi.
Naphtali Phung
48 Hiche ho hi Naphtali chapa te a konna phung khailhah ho ahiuve:
Jahzeel mite phung min chu apuluiyu Jahzeel a konna kiminsah ahi.
Guni mite phung min chu apuluiyu Guni a konna kiminsah ahi.
49 Jezer mite phung min chu apuluiyu Jezer a konna kiminsah ahi.
Shillem mite phung min chu apuluiyu Shillem a konna kiminsah ahi.
50 Hiche ho hi Naphtali a konna phung ho chu ahiuve. Galsat thei kijihlut jat chu 45,400 ahi.
Galsat thei jouse kihihlut jat
51 Lahgom'in, Israel galsat thei jouse chu abonin 601,730 ahiuve. 52 Chuin Pakaiyin Mose henga hiti hin aseiyin, ✡Minbu 34:13; Joshua 14:1,2 53 Hiche gam leiset hi aphung, ami jat kilah dungjuiya atam alhom'u dungjuijin hoppeh tan. 54 Mitam ho chu atam dungjuiya gam lenjep napeh ding, alhom ho chu alhom dungjuiya gam neojep napeh ding ahi. 55 Ahinlah gam leiset ho chu vang asan diu, chule atam alhom dungjui uleh ama ama hung kondohna phung min dungjuiyaa nahop ding ahi. 56 Hitia chu atam hon alenjep chuleh alhom hon aneojep dungjui uva vang akisan diu ahi.
Levi Phung
57 Hiche hi aphung dungjui uva kisunlut Levi mite chu ahiuve:
Gershon mite phung min chu apuluiyu Gershon a konna kiminsah ahi.
Kohath mite phung min chu apuluiyu Kohath a konna kiminsah ahi.
Merari mite phung min chu apuluiyu Merari a konna kiminsah ahi.
58 Libni mite, Hebron mite, Mahli mite, Mushi mite, chule Korah mite chu abon uva Levi phung bahkai ho ahiuve.
Tun Kohath chu Amram dia mibul ahin, 59 chule Amram inneipu min chu Jochebed ahi. Amanu jong chu Levi chilhah ahin, Eygpt a Levi insunga peng ahi. Amram le Jochebed chu Aaron, Mose, chule asopinu Miriam dinga anu le apa ahi. 60 Aaron in Nadab, Abihu, Eleazar chule Ithamar ahing uve. ✡Minbu 3:2 61 Ahinlah Nadab le Abihu chun thupeh banga bol louva Pakai angsunga dihlou tah a mei ati lhon jeh in athi lhon tai. ✡Thempu Dan 10:1,2; Minbu 3:4 62 Levi phung ho a konna pasal chapang lhakhat apat chunglam jouse chu mi 23,000 ahiuve. Ahinlah Isreal te mijat kisimna achun Levi te akisim tha pouve ajeh chu Israel te gam kihopna a chu amaho chan ding gam kipelou u ahi. 63 Israel miho chu Moab phaicham a Jordan gallam a Jericho pang lah a Mose le Aaron Thempupa in mi jat asim lhonna ga chu hiche ho hi ahi. 64 Sinai gamthip noiya Mose le Aaron thempu pan Israel te ana sim chun amaho jouse hi khatcha ana pang pouvin ahi. 65 Ajeh chu Pakaijin aseijin, “Amaho jouse hi gamthip noiya thi diu ahitai.” Jephunneh chapa Caleb le Nun chapa Joseph tailou koima hing lou dingu ahi, ati.✡Minbu 14:26-35
*26:23 As in Samaritan Pentateuch, Greek and Syriac versions, and Latin Vulgate (see also 1 Chr 7:1); Hebrew reads The Punite clan, named after its ancestor Puvah.
*26:39 As in some Hebrew manuscripts, Samaritan Pentateuch, Greek and Syriac versions, and Latin Vulgate; most Hebrew manuscripts read Shephupham.
*26:40 As in Samaritan Pentateuch, some Greek manuscripts, and Latin Vulgate; Hebrew lacks named after their ancestor Ard.
✡26:52 Minbu 34:13; Joshua 14:1,2
✡26:61 Thempu Dan 10:1,2; Minbu 3:4
DRAFT COPY