1 Nikhat Zelophehad chanu te Mahlah, Noah, Hoglah Milcah chule Tirzah chun thumna aneiyun ahi. Apau Zelophehad, Gilead chapa Hepher chilhah ahin, Makir chapa, Manasseh chapa, Joseph chapa ahi. 2 Hiche numei ho chu Mose, thempu Eleazar, japi lamkaiho chule mipi jouse angsunga Houbung kotbul achun adingun ahi. 3 Ama hon, “Ka pau gamthip noiya thi ahi. Ama chu Pakai doupa Korah nungjui ahipoi; ama chu ama chonset jal a thi ahi. Ahinlah ama chapa neilou ahiye,” atiuve. 4 Ipi jeh a kapau min chu chapa aneilou jeh maiya aphung sunga kon mang jeng ding ham? Ka sopi teu bangin chan neipe uvin, atiuve. 5 Hijeh chun Mose’n amaho chungchang thu chu Pakai heng'a apolut tan ahi. 6 Chuin Pakaiyin Mose hitin ahin donbut in, 7 Zelophehad chanute thil thum hi ahi ding mong ahiye. Apa sopi te banga amaho hi gam napeh diu ahi. Apau peh ding nei le gou chu suhtup peh tan, ati. ✡Minbu 36:2 8 “Chule Israel mite chu anoiya hilchahna ho hi seipeh tan: Mipa khat athi a chule chapa anei louva ahileh, agou ho chu achanu te chang ding ahi. 9 Chule amapa chun anei louva ahile anei le agou hou chu asopi pasal ho henga na chon ding ahitai. 10 Iham tia amapan sopi pasal ho anei louva ahile, agou ho chu apa sopi ho pen. . 11 Ahinlah iham tia apan chun sopi pasal ho anei louva ahile, aphung sunga akinai pipen chu napeh ding ahi. Pakaijin Mose athupeh banga hiche hi Israel mite lamlhahna ding dol chu ahi.

12 Nikhat Pakaijin Mose kom'ah aseijin, “Vadung solam'a molchung khat pen ah kal touvin, chule keiman Israel te kapeh ding gamsung khu vetemin. ✡Danbu Ni Na 3:23-27; 32:48-52 13 Navet jouteng, na sopipa, Aaron banga nathi ding, 14 ajeh chu Zin gamthip noiya ka thupeh ho banga nabol lhon lou jeh ahi. Israel mipi ho akiphin laitah un, twi mun a kathen dol amaho kom'a phongjal lhonin kati chu nabol lhon tapoi.” (Hiche hi Zin gamthip noiya Kadesh mun a Meribah twi chu ahi.) 15 Chuin Mose’n Pakai henga hiti hin aseijin, 16 “O Pakai, nangma thilsem jouse haina pe Pathen nahi. Lungset tah in japi lamkai ding mithah lhen peh tan. 17 Pakai mite chu aching bei kelngoi tobang ahilouna diuvin achena chan uva avengtup diu le galmun a alamkai diu koiham khat pen.✡1 Lgt 22:17; Ezekiel 34:5; Matt 9:36; Mk 6:34 18 Pakaiyin Mose adonbut in, “Nun chapa Joshua, ama Lhagao neipa, kou inlang achungah nakhut ngam in. ✡Potdohbu 24:13 19 Eleazer thempu pa leh mipi jouse masangah dinsah inlang chuleh mipi jouse het in ama chu mipite puihoi din thupeh nei in. 20 Chule Joshua chu nangman thaneina chu napeh ding hiche jeh a chu Israel mipi ten ajabol diu ahi. 21 Pakaiya konna hetsahna angaichat teng Eleazer thempu pa masanga Joshua ding ding, aman Urim amanchah a, Pakai lunglam ahol ding ahi. Hitia hi Joshua le Israel miten abol diu jousea pan alah diu ahi. ✡Potdohbu 28:30; 1 Samuel 14:41; 28:6 22 Hichun Mose’n jong Pakai thupeh dungjuijin aboltai. Mose’n Joshua chu Eleazer thempu pa masang leh Israel mipite masangah adinsah tan ahi. 23 Pakaijin n Mose athupeh bang bangin akhut chu Joshua chunga angam in mipi lamkai dingin phatthei abohtan ahi. ✡Danbu Ni Na 31:23