82
Pathen'in Migiloute Chunga Thu Atan Ding.
Asaph labol.
1 Van'a thutanna chunga Pathen'in vai ahomin;
van mite chunga athutanna aphongdoh e.
2 Nangman itih chan hi miphalou ho na panpia
thudihlou ho na chelhah sah ding ham?
Selah
3 “Chaga leh vaicha te chungah thudih chepin lang;
tahlelte le engbol'a umte chungah thudih phongdoh in.
4 Panpi beite le engbol'a umte huhdoh in,
miphalou ho khut a kon'in huhdoh in.
5 Hinla mibolse ten imacha ahe pouve;
amaho khu hetna lhasam ahiuve!
Muthim noiya avah leuvin,
leiset sunggil lam geijin ahotling tai.
6 Keiman kasei in, ‘Nangho pathen ho nahiuve;
nangho Hatchungnung Pen chate nahiuve.
7 Hinlah nangho mihem tobang bep a nathi diu,
thunei vaihom dang ho banga nalhuh tei diu ahi.’ ”
8 Hung kipat in, O Pathen, chule vannoi leiset hi athu tanin,
ajeh chu chidang namdang ho jouse jong hi aboncha nanga ahi.
DRAFT COPY