95
Pathen Vahchoi Dia Nagilut Kouna
1 Hungun, Pakai vahchoiyute!
Eihuhdoh uva Pathen'ah kipahtah in vahchoila saute.
2 Thangvah pum'in a angsung jon uhite.
Avahchoina la saute.
3 Ajeh chu Pakai chu loupitah Pathen ahin,
pathen dang chunga Leng loupi ahi.
4 Mol lenpen le leiset laigil athuhlai abon'a
Aman akhut a atuh chah ahi.
5 Twikhanglen hi Ama a ahi. Ajeh chu ama sem ahi.
Ama khut in gamgo jong hi, asem ahi.
6 Hungun, eisempau Pakai angsung'ah dilsu uhite.
Eisem pau Pakai angsung'ah dilsun uhite,
7 ajeh chu Ama I-Pathen'u ahin.
Eiho hi aman achin jing amite ihiuvin akaihoi jing akelngoi hon ihiuve!
8 Pakaijin aseiye, “Israel ten gamthip noi Massah a abol bangu leh,
Meribah a alungtah bangun nalung tahsah hih un.
9 Ajeh chu hilai mun'a chun napu napa teuvin,
ka thilbol ho chengse hi amu uvin chule eipatep un ahi.
10 Kum somli sung hin keima achung uva kana lunghang'in, chuleh Keiman kaseijin,
‘Amaho hi keija kon a kinung heidoh mipi chu ahiuve.
Keiman kasei dungjui a chon nomlou ahiuve.’
11 Hijeh chun ka lunghan jeh in kana kihahsel'in:
‘Amaho hi ka cholngahna mun'a hunglut thei louhel diu ahi!’ ”
DRAFT COPY