95
Kantiku hahii nian
1 Mai ita hananu haksolok ba NAI Maromak;
mai ita haklalak makaas tanba Nia mak fatuk lolon boot hodi salva ita.
2 Mai ita baa iha Nia oin hodi foo agradese,
no toka muzika hodi hananu hahii Nia.
3 Tanba NAI nee Maromak boot;
Nia mak Liurai boot, Nia aas liu maromak sel-seluk.
4 Rai nee nia klean iha Nia liman laran;
foho aas hotu-hotu Ninian.
5 Tasi nee Ninian, tanba Nia mak kria;
Nia liman mak forma rai maran.
6 Mai ita hakruuk hodi adora Nia;
mai ita hakneak iha NAI Maromak ita nia Kriador nia oin.
ita nee Nia povu nebee Nia tau matan,
bibi nebee Nia kuidadu.
Ohin loron, imi tenki rona Nia liafuan;
8 ✡Ézodu (Keluaran) 17:1-7; Númerus (Bilangan) 20:2-13la bele ulun toos hanesan imi nia bei-ala sira uluk halo iha rai Meriba,
hanesan uluk sira halo iha area Masá iha rai fuik maran.
9 Iha nebaa sira haree Hau nia milagre,
maibee sira koko Hau nafatin;
sira sadik nafatin Hau.
10 Durante tinan haat-nulu Hau hirus sira hodi dehan,
“Sira nee povu ida nebee sempre lao sees husi dalan loos,
no lakohi rona Hau nia liafuan.”
11 ✡Númerus (Bilangan) 14:20-23; Deuteronómiu (Ulangan) 1:34-36; Ebreu 4:3,5; Deuteronómiu (Ulangan) 12:9,10Nee mak Hau hirus too Hau jura dehan,
“Ema sira nee sei la tama iha Hau nia fatin deskansa.”
✡95:8 Ézodu (Keluaran) 17:1-7; Númerus (Bilangan) 20:2-13
✡95:11 Númerus (Bilangan) 14:20-23; Deuteronómiu (Ulangan) 1:34-36; Ebreu 4:3,5; Deuteronómiu (Ulangan) 12:9,10