1 Aa ie fa napoke ze fonga filoa-tiñake, ze hene famañahiañe naho hasoa-piatrefañe naho ty fihàñañe vaho ze fañinjeañe iaby, 2 manahake te ajaja-mena, salalao ty ronono hiringiri’ i tsaray, hitomboa’ areo amy rombakey, 3 kanao fa nitsopeke ty hasoa’ i Talè,

4 naho nimb’ama’e, i Vato veloñe nado’ ondatio fe jinobon’ Añahare vaho toe sarotse ama’ey, 5 le ampitroareñe ka nahareo vato veloñeo, ho anjomban’ arofo, naho fisoroñañe miavake, hañenga soron’ arofo non’ Añahare añam’ Iesoà Norizañey. 6 Ty amy pinatetse an-tsokitse masiñe ao:

7 I hasarota’ey ho ama’ areo mpiatoo, fe amo manjehatseo le:

8 naho ty hoe:

Tsikapie’ i tsaray o mpanjehatseo§Jao 3:36, Heb 3:18; fa izay ty nanendreañe iareo.

9 Fe tariratse jinoboñe*Its 10:15, 43:2 nahareo, firimboñam-pisoroñe aman-kasy†Ies 61:6, 66:21, fifeheañe miavake‡Avo 19:6, Its 7:6, famosora nambahañe ho hanaña’e§Ies 43:2, Avo 19:5, Tit 2:14, hitaroñe ty hasoa’ i nikanjy anahareo hiakatse i ieñey ho ami’ty fireandreaña’e fanjakay. 10 Amy t’ie tsy nifamosorañe taolo, fe famosoran’ Añahare henaneo; tsy nitretrezeñe fe iferenaiñañe henaneo*Hos 1:9-10, 2:23; Oni: Ies 65:1, 63:16, .

11 O ry noroko, osiheko hoe t’ie ambahiny naho mpañialo, ty hifoneñe amo raha maha­tsontso’ i nofotseio naho mifañotakotak’ am-betsevetse ao. 12 Mañaveloa an-kavañonañe amo kilakila’ ndatio, ie mañarinjèñe anahareo hoe tsy vokatse, naho misamba o sata soa†Mat 5:16’ areoo, ro handrenge an’ Andrianañahare amy androm-pitilihañey.

13 Aa le miandalia amy ze fifelehañe noriza’ ondatio, ty amy Talè; naho ty mpanjaka, amy te manandily; 14 naho o ragovao amy t’ie nirahe’e handilo o manao ratio vaho handrenge o manao soao. 15 Izay ty satrin’ Añahare, t’ie mitolon-kasoa ro hampitsiñe ty habahimoa’ ondaty seretseo, 16 toe haha nahareo, le ko atao fandrongonan-karatiañe i fidadàñey, fa iambaneo kanao mpitoron’ Añahare. 17 Hene iasio, kokò o rolongoo, mañeveña aman’ Añahare, iasio i mpanjakay.

18 Ry mpitoroñeo, iambaneo o tompo’ areoo am-pañeveñañe àmpoñe, tsy t’ie soa naho lem-po avao, fa o mengokeo ka. 19 Inao ty mañeva isoke, t’ie mpañeveñe aman’ Añahare, ro mifeake sotry te ampisoañeñe tsy aman-katò. 20 Ino ty tombo’e t’ie mahafifeake lafa ty amo tahiñeo? Ie manao soa te ampisoañeñe vaho mifeak’ am-pahaliñisañe, le hisohen’ Añahare. 21 Inao ty nikanjiañe anahareo, kanao nijalea’ i Norizañey, itsikombeo, hañoriha’ areo o lia’eo‡1Ko 11:1, Jn I 2:6.

23 le ie nonjireñe, tsy namale añ’ ònjitse; ie nijale tsy nañebañe, fe nitolom-piato amy Mpizaka an-katòy. 24 Ie ty nivave o hakeon-tikañeo†Ies 53:4 am-pañòva’e an-katae ajale eo, hampihomaheñe o tahiñeo soa te ho veloñe an-kavañonañe tika,‡Rom 6:2, Pe I 4:1-2 fa o fere’eo ro mahajangañe anahareo§Ies 53:5. 25 Ie nitolom-panjike hoe añondry*Ies 53:6, fe nitampoly amy Mpiarake naho Mpisari’ o arofo’ areooy henaneo.