1 Amy andro zay, ho fihine’ ty rakemba fito ty lahilahy, hanao ty hoe:

Ty mahakama’ay avao ty ho kamae’ay,

naho ty saro’ay avao ty hiombea’ay;

fe angao ho tokaveñe ami’ty tahina’o

zahay, hañafahañe ty hasalara’ay.

2 Ho fanjàka naho hanañ’engeñe

ty tora-mionjo’ Iehovà amy andro zay,

vaho ho fisengeañe naho volonahe’

ty nibotitsike am’Israele*Ioe 3:5, Oba 1:17 ty voka’ i taney.

3 Ho tondroke te hatao miavake

ze sehanga’e amy Tsione ao naho

ze honka’e am’ Ierosalaime ao,

eka, ze hene sinokitse ho veloñe

e Ierosalaime ao,

4 ie fa sinasa’ i Talè

amo anak’ampela’ Israeleo

ty haleora’e;

naho fa nimongore’e ty lio’

Ierosalaime boak’ añ’ate’e ao

ami’ty arofon-jaka naho

ami’ty arofom-piforehetañe.

5 Le hanoe’ Iehovà ambone’

ze akiba ambohi’ i Tsione eo naho

ambone’ o firimboña’eo ty rahoñe

an-katoeñe te handro,

vaho ty fireandreañ’ afo milebaleba te haleñe;

le ho ey ty lafike†Heb: Hopa: fialofa’e naho i engavao’ey ambone’ o engeñe iabio.

6 Le ho eo ka ty bandrabandra naho antoandro amy hatrevohañey,

naho fipalirañe vaho fitampinañe

ami’ty tio-bey naho amo orañeo.