23
1 Ty nibangoeñe i Tsore*Tsore: haozarañe; vato; masioñe:
mangolalaiha ry lakam-bein-Tarsiseo†Tarsise; fitsakoreañe, fihotsohotsoañe;
narotsake re: pok’anjomba,
tsy amam-pitolia;
natalili’ o boake Kitio‡Kity: o mamonotrobokeo; volamena.
2 Mianjina ry mpimoneñ’ añ’olotse añe;
ry natsafe’ o mpanao takina’ i Tsidone§Tsidone: mañoro, maminta; tsinindroke, mpitsake i riakeio.
3 Ty tabiri’ i Sihore*Sihore: mainte; am-poheke; I saka Nailey an-drano mieneneo,
ty voka’ i Sakay ty tambe’e;
ie ty ni-tsena’ o kilakila’ ndatio.
4 Mimeñara ry Tsidone;
fa mivolañe i riakey,
manao ty hoe ty haozara’ i riakey:
Mboe lia’e tsy nitsongo iraho,
tsy niterak’ajaja; tsy nañabey ajalahy,
tsy nañotroñe somondrara.
5 Ie pok’ e Mitsraime añe i taliliy,
le hioremeñe iereo ty amy enta’ i Tsore.
6 Mitsaha mb’e Tarsise mb’eo;
mangoihoia ry mpimoneñ’añ’olotseo.
7 Itoy hao i rova nirebeha’ areoy,
i nioreñe haehaey? i naneseañe o fandia’eo hitaveañe an-tsietoitaney?
8 Ia ty nibeko i Tsore izao?
i mpanolon-tsabakam-panjakay?
Ie sindre ana-donake o mpandetakeo,
songa niroandria’ ty tane toy
o kinanga’eo?
9 Ereñere’ Iehovà’ i Màroy izay,
hanivàñe ty firengevoha’
ze hene engeñe,
hamotsaha’e ze fonga onjoneñe
an-tane atoy.
10 Manginahinà an-tane’o eo
an-tsata’ i Sakay,
ry anak’ampela’ i Tarsise!
fa tsy eo ty mikalañe.
11 Natora-kitsi’e ambone’ i riakey
ty fità’e,
nakopikopi’e o fifeheañeo;
fa linili’ Iehovà ty amy Kanàne
te ho mongoreñe o fipalira’eo.
12 Le hoe re: Tsy hirenge ka,
ry anak’ ampela’ i Tsidone demokeo,
miongaha, mitsahà mb’e Kity mb’eo;
fe tsy hahazoa’o fitofañe ty añe.
13 Hehe ty tane’ o nte-Kasdio—
ondaty tsy teo
amy nandahara’ i Asore aze
ho amo ampatrambeioy;
natroa’ iareo o rafi-panamea’ iareoo, nakorenda’ iareo o anjomba’eo; nampangoakoahe’ iereo.
14 Mangolalaiha ry lakam-bei’ i Tarsiseo,
fa rotsake i fiampira’oy.
15 Ho tondroke amy andro zay te
haliño fitom-polo taoñe ty Tsore,
ami’ty androm-panjaka;
ie peake i fitom-polo taoñe zay
le hifetsake amy Tsore i sabon-karapiloy.
16 Tintino i marovaniy,
mañariaria an-drova ao,
ry karapilo tsy tiahy; titiho feo mamy,
isabò sabo maro, hahatiahiañe azo.
17 Aa ie peake i taoñe fitompolo rey
le ho tendreke te ho tilihe’ Iehovà
t’i Tsore,
le himpolia’e i nanambezañe azey,
hanitsike o kila fifeheañe ambone’ ty tane toy amy hakarapiloa’ey.
18 Havalike ho miavake am’ Iehovà
o kilanka’eo naho o tambe’eo;
tsy hahaja, tsy hakafitse;
fa ho a o mpimoneñe
añatrefa’ Iehovào
o tombom-baro’eo,
hahaeneñañe mahakama
vaho ho an-tsaroñe mañeva.
*23:1 Tsore: haozarañe; vato; masioñe
†23:1 Tarsise; fitsakoreañe, fihotsohotsoañe
‡23:1 Kity: o mamonotrobokeo; volamena
§23:2 Tsidone: mañoro, maminta; tsinindroke
*23:3 Sihore: mainte; am-poheke; I saka Nailey
DRAFT VERSION