21
1 Ty tsara’ Iehovà am’Iirmeà, ie nirahe’ i Tsidkià ama’e t’i Paskore ana’ i Malkià*Malkia: Ià mpanjakako, mpañeretse ahy naho i Tsefanià†Tsefanià: Iehovà ro tsikoko ana’ i Maaseia‡Maaseia: ty fitoloña’ Iehovà mpisoroñe nanao ama’e ty hoe: 2 Ehe, mihalalia ho anay am’ Iehovà; amy te maname aly aman-tika t’i Nebokadnetsare§Nebokadnetsare: Ranomaso, hoihoi-jaka mpanjaka’ i Bavele*Bavele: rapadrapake, fivalintsingoahañe; ; hera hitoloñe ho antika t’Iehovà manahake i hene fitoloña’e fanjaka rezay, hampihakañe aze aman-tika. 3 Le hoe t’Iirmeà am’ iereo: Ty hoe ty ho saontsie’ areo amy Tsidkià: 4 Hoe t’Iehovà Andrianañahare’ Israele:
Inao! hafoteko o fialiañe
ampità’ areoo,
o fialia’ areo amy mpanjaka’ i Baveleio,
naho amo nte-Kasdy†Kasdy: hoe kokolampa; hoe malaso mamalañe
anahareo alafe’ o kijolioo,
fa hatontoko an-drova atoy iereo.
5 Le Izaho avao ty hialy ama’ areo
am-pità’ natorakìtsy naho
an-tsirañe maozatse, naho
an-kaboseke mileveleve,
vaho am-pifombo miforoforo.
6 Le ho lafaeko o mpimone’ ty rova toio,
ndra ondaty ndra biby;
hampihomahe’ ty angorosy jabajaba.
7 Ie heneke, hoe t’Iehovà,
le haseseko am-pità’ i Nebokadnetsare
mpanjaka’ i Bavele naho
am-pità’ o rafelahi’eo, naho
am-pità’ o mipay ty fiai’eo
t’i Tsidkià mpanjaka’Iehodà
naho o mpitoro’eo, naho
ze ondati’ an-drova atoy sinisa’ i
angorosiy naho i fibaray,
naho i hasalikoañey;
vaho ho lafae’e an-kasiom-pibara,
le tsy hihevea’e,
tsy hiferenaiña’e,
vaho tsy hitretreza’e.
8 Le hoe ty hatao’o am’ondaty retoa:
Hoe ty nafè’ Iehovà:
Hehe te apoko aolo’ areo eo
ty lalan-kaveloñe naho
ty lalam-pikoromahañe.
9 Ze tambatse an-drova atoy
ho vonoe’ ty fibara naho ty kerè,
vaho ty angorosy;
fe ho veloñe ze miakatse,
miambane amo nte-Kasdy
mañarikatok’ anahareoo,
le ho tamben-ali’e ty fiai’e.
10 Fe nampiatrefeko ami’ty rova toy
ty tareheko ho hekoheko fa tsy hasoa, hoe t’Iehovà;
ie hatolotse am-pità’ i mpanjaka’ i
Baveley, vaho ho forototoe’e amañ’afo.
11 Le i anjombam-panjaka’ Iehodày,
janjiño ty tsara’ Iehovà;
12 Ry anjomba’ i Davide, hoe t’Iehovà:
Ano ty hatò boak’andro,
vaho avotsoro am-pità’ ty
mpamorekeke i nikamereñey,
tsy mone hionjoñe hoe afo ty habosehako,
hamorototoako tsy ho lefe vonoeñe,
ty amo haloloam-pitoloña’ areoo.
13 Hehe te miatrek’azo raho
ry mpimoneñe am-bavatane ao,
hoe t’ie vato a montoñe ey,
hoe t’Iehovà:
amy ty fatao’ areo ty hoe:
Ia ty hizotso haname anay?
ndra ia ty himoak’ añ-akiba’ay atoa.
14 Toe ho liloveko ty amo vokam-pitoloña’ areoo,
hoe t’Iehovà;
naho hamiañako afo i ala’ey,
vaho fonga ho tomontoñe
ze mañohok’ aze.
*21:1 Malkia: Ià mpanjakako, mpañeretse ahy
†21:1 Tsefanià: Iehovà ro tsikoko
‡21:1 Maaseia: ty fitoloña’ Iehovà
§21:2 Nebokadnetsare: Ranomaso, hoihoi-jaka
*21:2 Bavele: rapadrapake, fivalintsingoahañe;
†21:4 Kasdy: hoe kokolampa; hoe malaso
DRAFT VERSION