47
1 Ty tsara’ Iehovà niheo am’ Iirmeà mpitoky ty amo nte-Pilistio taolo’ ty nandafa’ i Parò i Azà*Aza: fatratse.
2 Hoe t’Iehovà:
Heheke t’ie hiongake
boak’ avaratse eñe ty rano,
hinjare torahañe manganahana,
toe hampanginahina i taney naho
handifotse ze hene ama’e
naho i rovay naho
o mpimoneñeo;
hirovetse ondatio, vaho
sindre hangololoike ty tañy
ze mpimoneñe amy taney.
3 Ami’ty kodoin-dian-kotro’ o maozatseo,
ty fitrakotrako’ o sareteo,
ty kodoikodoi’ o larò’eo
le tsy mitolike mb’an-keleia’e
o roae’eo, ie mavozo am-pitàñe;
4 Fa tondroke ty andro te fonga
hampiantoañe o nte-Pilistio,
ie hañitoa’e amy Tsore naho amy
Tsidone ze mpañolotse sisa;
amy te ho kopahe’ Iehovà o nte-Pilistio,
naho ze sehanga’e an-tokonose’
i Kaftore†Kaftore: Halañe: tokonose bontolie.
5 Hasolàñe ty nifetsak’ amy Azà;
fa naitoañe ty Askelone.
Ry honka’ i vavatane’ iereoy:
ampara’ te ‘mbia ty handilindilia’o
ty sandri’o?
6 O ry fibara’ Iehovà,
ampara’ te ombia vaho hitsiñe?
miombea an-traño’o ao,
mitofà, naho mihendrea.
7 Akore ty hitofa’e kanao nandily t’Iehovà ?
i Askelone naho i olon-driakey
ty nitendrea’e.
DRAFT VERSION