11
Ie nagado’ Iesoà ty fañòhañe i mpiama’e folo ro’amby rey, le nienga, vaho nafanto’e ama’e ty hampioke naho hampitao amo rova’ iareoo.
t’i Jaona
Lke 7.19-30
Ie tam-porozò ao t’Jaona, le jinanji’e o fitoloña’ Iesoào le nirahe’e ty mpiama’e roe, hanoa’ iareo ty hoe: Ihe hao i ho aviy, ke mbe añe i tamaen-tikañey? Hoe ty natoi’ Iesoà am’iareo: Akia, atalilio amy Jaona o niisa’ areoo naho o jinanji’ areoo: Mahaisake o feio, mitsontike o kepekeo, lioveñe o angamaeo, mahajanjiñe o gìñeo* Ies 35:34-36 , vañoneñe o vilasio vaho votsoreñe o rarakeo Ies 61:1. Faly ze tsy aliheñe ty amako.
Naho nañavelo iereo le nitaroñe i Jaona amy lahialeñey t’i Iesoà: Handrèndreke inoñe ty nihitrifa’ areo mb’am-patram-bey añe? Ty vinda natroetroen-tioke hao? Ke inoñe ty niakara’areo ho sarieñe? t’indaty misarimbo marerarera hao? Toe añ’anjombam-panjaka ao o mpisaroñe lamba marerarerao. Naho zay, inoñe ty niavota’ areo ho isaheñe añe? ty mpitoky hao? Eka, itaroñako t’ie lombolombo ty mpitoky. 10 Ie i nipatereñe ty hoe:
Inay, mañitrike ty ìrako hiaolo Azo raho, ie ty hañajary ty lalañe aoloko. Ies 40:3; Mal. 3:1
11 Eka! to t’itaroñako te, ze nasaman’ ampela, tsy ama’e ty nionjoñe ambone’ i Jaona Mpandipotse, f’ie ili­koara’ ty kede amy fifehean-dikerañey. 12 Boak’amo andro’eo pake henane, le rembèñe i fifehean-dikerañey vaho te hitavañ’ aze o piaroteñeo§ Lke 16:17. 13 Songa mita­lily ampara’ i Jaona o mpitokio naho i Hake. 14 Aa naho laha’areo ty hiantoke: ie i Elia ho aviy. 15 Ze aman-dravembia hijanjiñe, mijanjiña!
Lke 7.31-35
16 Razañeko ami’ty tariratse toy ty ajalahy mitoboke an-tsena ao mifampikoike 17 ty hoe,
Nisaboa’ay
f’ie tsy nandrodo;
nangololoiha’ay
f’ie tsy nirovetse.
18 Pok’eo t’i Jaona, tsy nikama, tsy ninoñe, le hoe iereo: Aman-kokolampa re. 19 Avy ka i Ana’ Ondatiy: mikama naho minoñe, vaho anoeñe ty hoe: Intia ty màhake naho mpigenoke, rañe’ o bakakalahio naho o mpanan-kakeoo. Zay ty fizaka’ o seretseo o mahihitseo.
Ty Falai’ o Rovao
Lke 10.12-15
20 Nikobiha’ Iesoà amy zao o rova nanoe’e o vilo’eo ie tsy nitolike am-pisolohoañe. 21 Fatse ama’o Korazina! naho, Hankàñe ama’o Betsaida! Fa naho nanoeñe e Tirò ao naho e Sodoma* Tovo’e ami’ty Grika: ndra Tirao-detere naho Sidomà: a. 22,23 ka añe o viloñe nanoeñe ama’ areoo, le ho nitolike amy andro zay iereo am-pisolohoañe, an-gony naho lavenoke. 22 Eka! hoe ty itaroñako te ho mora amy Tirò naho i Sodoma te ama’ areo. 23 Ihe, Kapernaome, hionjoñe mb’andindìñe eñe v’iheo? Toe hazotso mb’an-tsikeokeoke ao, fa naho nanoeñe e Sodoma o viloñe nanoeñe ama’oo, hera mbe ho niteo Ies 14:13, 14:15. 24 Eka! itaroñako te haivañe an-tane Sodoma ta te ho ama’o i andron-jakay.
Ama’e ao ty Fitofàñe
25 Ie henane zay, niongake t’i Iesoà nanao ty hoe: Rengen-dRehe, ry Aba, Andrianamboatse i likerañey naho ty tane toy, amy te naeta’o amo mahihitseo naho amo mahilalao i tsara zay vaho binenta’o amo mirèkeo Lke 10:21. 26 Eka Aba, toy ie ty nivantañe añatrefa’o.
27 Kila natolotse ahiko boak’ aman-dRaeko, tsy eo ty mahafohiñe i Anakey naho tsy t’i Rae, naho tsy ia ty mahafohiñe t’i Rae naho tsy i Anakey vaho ze sa­tri’ i Anakey hatòke.
28 Mb’amako mb’etoa ze hene mokotse naho mifeake fitoloñañe, le himbaeko vaveñe ty joka’e. 29 Rambeso ama’areo ty jokako, le mioha amako fa lem-po raho naho mora naho mazava-troke, vaho hahatendreke fitofàn’ arofo§ Iir 6:16 nahareo, 30 amy te mora ty jokako, vaho maivañe o kilànkakoo.

*11:5 Ies 35:34-36

11:5 Ies 61:1

11:10 Ies 40:3; Mal. 3:1

§11:12 Lke 16:17

*11:21 Tovo’e ami’ty Grika: ndra Tirao-detere naho Sidomà: a. 22,23 ka

11:23 Ies 14:13, 14:15

11:25 Lke 10:21

§11:29 Iir 6:16