1 Ino ty fidabasida’ o kilakila ondatio*Mat 4:25-26; Dan 2:44, 7:13-28, Kag 2:22, Zek 14:9, Ben 11:15; 19:19,

naho ty fikililia’ ondatio

raha tsy vente’e.

2 Mijohañe o mpanjaka’ ty tane toio,

naho mitrao-kinia o mpifeheo

hiatreatre am’ Iehovà naho i Noriza’ey†Nañiliane Solike : i Norizañey izay,

manao ty hoe:

3 Antao handrafadrafatse

o talirandra’ iareoo,

le hahimpan-tika o rohi’ iareoo.

4 Miankahake i mpiambesatse

an-dindiñey;

mitsikìke iareo t’i Talè. 5 Fa ho trevohe’e an-keloke,

vaho hampinevenevere’e am-pifombo’e:

6 Toe izaho ty nañoriñe ty Mpanjakako e Tsiône‡Ierosalaime ao amy vohiko miavakey.

7 Sokireko ho lily:

hoe t’Iehovà amako:

Anako irehe, anindroany

ty nampiareñako azo. 8 Mihalalia amako le hampandovaeko

Azo o fifeheañeo,

naho ho fanaña’o o olon-taneo.

9 Ho pozahe’o am-bodam-by;

Hampijeñajeñahe’e hoe siniharam-panao

valàñe-tane.

10 Aa le mahihira ry mpanjakao;

Mimetea oke

ry mpizaka’ ty tane toio.

11 Toroño am-pañeveñañe t’Iehovà,

vaho mirebeha am-pineveneverañe;

12 Ondroho i Anakey

tsy mone hiviñera’e,

vaho hihomak’ an-dalañe ey nahareo;

fa mete hisolebatse aniany ty fifombo’e.

Hene haha ze mitsolok’ ama’e.