19
Haleloia
1 Añe irezay le tsinanoko ty fipoñafam-peom-balobohòke andindìñe ao, nirihoñe ty hoe:
Haleloia* Heb: aleloia: jejò t’Iehovà!
Fandrombahañe naho enge,
naho haozarañe
ho an’Andrianañaharen-tikañe 2 amy te mahity naho vantañe o fizakà’eo† Sab 19:9,
le fa nafà’e i tsimirirañe jabajaba
nandeotse ty tane toy
amo hakarapiloa’eoy
vaho navale’e ama’e
ty lio’ o mpitoro’eo‡ Its 32:43. 3 Nindrai’ iereo ty hoe:
Halelo-Ia!
Hihobobòke nainai’e donia o hatoe’eo. 4 Songa nibaboke naho nitalaho aman’ Andrianañahare mpiambesatse amy fiambesa’ey i androanavy roapolo-efats’ amby rey naho i raha veloñe efatse rey, nanao ty hoe:
Amena, Haleloia! 5 Le niboak’ amy fiambesatsey ty fiarañanañañe nanao ty hoe:
Rengeo t’i Andrianañaharen-tikañe
ry mpitoro’e iabio, naho o mañeveñe ama’eo, ndra ty kede ndra ty bey!§ Sab 115:13 6 Tsinanoko amy zao ty nanahake feom-balobohòke, nanahake ty fitroña’ ty rano misorotombake naho nanahake ty fiparapapiahan’ àmpiñe ra’elahy, nanao ty hoe:
Haleloia! Fa mifehe t’i Talè
Andrianañahare, Tsitongerèñe. 7 Antao hifale naho hirebeke vaho hanolots’ engeñe ama’e!
Fa tsatoke ty enga-vao’ i Vik’añondriy,* Mat 22:1-12 Toe an-Tane
vaho fa nihamiñe i enga-vao’ey,† Ies 61:10 8 le natolotse aze ty hiombea’e leny marerarera mikinokinoke mitoratsike.
Toe o satan-kavañona’ o noro’eoo i leny marerareray.‡ Mat 22:11-14 9 Le hoe re tamako: Patero: Haha o ambarañe ho mb’amy sabadidam-panambalia’ i Vik’ añondriio! Le hoe re amako: Tsara ton’ Añahare zay. 10 Le nibabok’ am-pandia’eo raho niambane. Fe hoe re: Mitaoa! Mpitrao-pitoroñe ama’o naho amo longo’o mitañe ty taro’ Iesoào raho. Mitalahoa aman’ Añahare! Amy te arofom-pitokiañe ty fitaroñañe Iesoà.
Ty Mpiningitse Soavala Foty 11 Le naheoko te nisokake i likerañey naho niheo mb’etoa ty soavala foty, naho kanjieñe ty hoe Migahiñe naho To i mpiningitse ama’ey naho an-kavantañañe ty fizaka’e vaho fialia’e§ Top 10:42. 12 Hoe afo misotratràke o fihaino’eo, naho sabakam-bolonahetse maro ty añambone’e eo. Sinokitse ama’e ty tahinañe tsy fohi’ ondaty naho tsy ie* Ben 2:17. 13 Misikin-damba mireparepa nalipotse an-dio re, le atao Tsaran’ Añahare i tahina’ey† Jao 1:1, 14. 14 Nañorik’ aze an-tsoavala foty o lahin-defon-dikerañeo nisaron-deny marerarera mitoratsike mikinokinoke.‡ Ben 19:7 8 15 Miakats’am-palie’e ty fibara masioñe§ Ies 49:2 hañatsake o kilakila ondatio, le ho fehè’e an-kobay viñe.* Sab 2:9
naho ie ty mandialia ty fipiritan-divaim-piforoforon-kaviñeran’ Añahare, Tsitongerèñey. 16 Misokitse an-tsaro’e eo naho am-pe’e eo ty hoe:
Mpanjakam-panjaka naho Talèn-talè.
Ierosaleme Vao Ikz 48.30-35 17 Le naheoko ty anjely nijohañe amy àndroy nikoike am-piarañanañañe mafe amy ze hene voroñe mitiliñe an-teñanteñan-dikerañe ty hoe: Mb’ etoy, mitontona amy sabadidake jabajaban’ Añaharey, 18 hitimpoñe ty nofom-panjaka, naho ty nofo’ o mpifehen-dahin-defoñeo naho ty nofo’ o fanalolahio naho ty nofon-tsoavala naho o mpiningitse ama’eo naho ty nofo’ ze hene ondaty, ty ondevo naho ty midada, ty kede vaho ty bey.† Isa 56:9; Eze 39:4; Mat 24:28; Lke 17:37 19 Le nitreako te nifanontoñe hialy amy miningitse soavalay naho amy firimboña’ey i bibiy naho o mpanjaka’ ty tane toio naho o fifañosoña’ iareoo. 20 Le tsinepake i bibiy naho nindre ama’e i mpitoky sare’e nanao viloñe tsitantane añatrefa’e naho namañahy o nandrambe ty vilo’ i bibiy vaho nitalaho amy sare’ eioy. Navokovoko veloñe amy antara mirebareba afo manodotse solifaray ao ie roe, 21 le vinono amy fibara miakatse am-palie’ i mpiningitse soavalaiy o ila’eo, vaho nahaetsake o voroñe iabio ty nofo’ iareo.
*19:1 Heb: aleloia: jejò t’Iehovà
*19:7 Mat 22:1-12 Toe an-Tane
†19:18 Isa 56:9; Eze 39:4; Mat 24:28; Lke 17:37
DRAFT VERSION