60
Ho a i Talè, Onin-tsabo’ i Davide ty hotakotake nanoe’e amy Arame Naharaime naho i Arame Tsobay; naho ty nibaliha’ Ioabe, ie ginio’e t’i nte-Edome rai-ale tsy roe-arivo lahy amy Vavatanen-tsiray.
1 Ry Andrianañahare nifarie’o, dinemo’o, nifomboa’o; ehe sotraho zahay.
2 Nampiezeñezeñe’o ty tane;
nabenta’o; melaño o jeba’eo, fa miozoñozoñe.
3 Nampahaoniña’o fisotriañe ondati’oo; nampitohofa’o divay mampivembèñe.
4 Nanolora’o viloñe
o mañeveñe ama’oo;
honjoneñe ty ami’ty hatò. Selà
5 Soa te ho hahàñe o kokoa’oo;
rombaho am-pità’o havana; toiño iraho.
6 Nitsara ami’ty hamasiña’e
t’i Andrianañahare:
Hitreñe iraho, ho zaraeko ty Sekeme,
vaho ho zeheko ty vavatane’ i Sokote;
7 ahiko t’i Gilàde, naho ahiko t’i Menasè; fiaron-dohako t’i Efraime,
kobaiko t’Iehodà*Fot 49:10;
8 Koveta fisasako t’i Mòabe;
fampipohan-kanako t’i Edome
miroharohà ty amako, ry Pilisty.
9 Ia ty hampihova ahy
amy rova fatratsey?
Ia ty hiaolo ahy mb’ Edome mb’eo?
10 Tsy Ihe hao ry Andrianañahare
ty nahafary anay?
Tsy hitraofa’o fionjonañe hao,
ry Andrianañahare o lahindefo’aio !
11 Oloro amy rafelahiy zahay,
fa tsy vente’e ty fandrombaha’ ondatio.
12 I Andrianañahare ro fahareketa’ay,
Ie ty handialia o rafelahi’aio.
DRAFT VERSION