1 Hahao iraho ry Andrianañahare,

Malisà hañolots’ ahy ry Iehovà.

2 Ehe ampimeñaro naho vere­vereo o mipay ty fiaiko;

hampibalihe’e mb’eo, vaho ho salareñe o falefale amy faràrekoio.

3 Hampipoliañe an-kameñarañe

ze manao ty hoe: Hý! Hý!

4 Ampirebehañe ze hene mipay Azo,

hifale ty ama’o;

le hitolom-panao ty hoe

o mpitea ty fandrombaha’oo:

Onjono t’i Andrianañahare.

5 Fe poie’e naho rarake iraho;

Malisà mb’amako ry Andrianañahare;

Ihe ro mpañolotse naho mpañaha ahy; taentaeno ry Iehovà.