81
Ho a i Talè, Sabo’ i Asafe Titiheñe amo Marovanio
1 Misaboa aman’Añahare haozarantika;
mipazaha an-drebeke aman’Añahare’ Iakobe.
2 Araho an-tsabo !
Pehopeho ty kantsàñe;
titiho ty jejo mamy-feo reketse marovany.
3 Tiofo amy jiri-bolañey ty antsiva,
amy pea-bolam- pamantañan-tikañey.
4 Fañè*Sor 23:24, Num 10:10, 29:1 ho a i Israele;
fepèn’ Andrianañahare’ Iakobe.
5 Noriza’e am’Iehosefe†Iehosefe: Iosefe tinovoñ’ i tahinan’A’har ho taroñe,
ie niavotse le nanitsike ty tane’ i Mitsraime;
naho tsinanoko ty saontsy tsy napotako.
6 Nahahako an-tsoro’e eo i kilankañey,
navotsotse amy lietsey o fità’eo.
7 Kinanji’o t’ie niampoheke,
le rinombako;
nanoiñe azo am-pikafiran’ ampiñe ao;
nitsoheako an-drano Meriba añe. Selà
8 Janjiño ry ondatiko, le ho toroako,
ry Israele, hera ho haoñe’areo.
9 Tsy ho ama’ndrahare hafa irehe,
tsy hitalaho
amo saren-drahare ila’eo.
10 Izaho Iehovà Andrianañahare’o
ninday azo boak’an-tane’ Mitsraime añe.
atañatañao ty falie’o, le hetsaheko.
11 Fe nihiritsiritse amako ondatikoo
vaho nanjehats’ ahy t’Israele.
12 Aa le napoko horihe’ iereo
ty hagàn’ arofo’ iareo,
homb’am-pisafiri’ iareo avao.
13 Aa naho nijanjiñe ahy ondatikoo!
naho nañavelo amo lalakoo t’Israele,
14 le ho nampitsolofiñeko aniany
o malaiñe iareoo;
vaho ho natoliko ty tañako hiatreatre
o rafelahi’ iareoo!
15 Nioniñe te tsy to añatrefa’ Iehovà
o malaiñe azeo,
fe ho nainai’e eo t’Israele.
16 Le hanjotsoa’e ampemba soa iereo,
naho hanjañeko an-tantele boak’am-bato ao.
DRAFT VERSION