13
Nsaala ya kusaba bu̱kooneli̱
Ewaa mukulu wa bilimbo. Jabbu̱li̱ ya Dhau̱dhi̱.
1 Ai̱ Mukama, oku̱hi̱ki̱ya dhi̱ kunjibululuwa? Bilo nʼebilo?
Oku̱neebi̱si̱i̱lila, ku̱hi̱ki̱ya dhi̱?
2 Nku̱hi̱ki̱ya dhi̱ kuukala ni̱i̱neeli̱li̱kana
kandi ntuntuuye bu̱li̱ kilo haa mutima ghwanje?
Ngi̱ghu̱ syanje bakuukala mbanansi̱ngu̱la ku̱hi̱ki̱ya dhi̱?
3 Ai̱ Mukama Luhanga wanje, ondole kandi onkuukemu.
Onku̱u̱ki̱yemu maani̱ kandi otaleka nku̱wa.
4 Otaleka ngi̱ghu̱ syanje baghila bati, “Twamu̱si̱ngu̱u̱ye!”
Otaleka ebo mbadheedhuwa haabwa kughuwa kwanje.
5 Bhaatu si̱ye nkwesighagha kukunda kwawe kwamaani̱.
Nkudheedhuwa nanga okunjuna.
6 Ai̱ Mukama, nkukulimbila,
nanga oli mulungi ewanje.