15
Ebi Luhanga akubbalagha
Jabbu̱li̱ ya Dhau̱dhi̱.
1 Ai̱ Mukama, ni ani̱ akuukala mu numba yaawe?
Ni ani̱ akulami̱li̱ya haa mwena ghwawe ghu̱hi̱ki̱li̱i̱ye Sayu̱u̱ni̱?
2 Ni oghu ahu̱ti̱i̱ye Luhanga mu bu̱li̱ kintu kyona,
naakola bwile bwona ebi̱hi̱ki̱ye
kandi naabu̱gha majima ku̱lu̱gha haa mutima.
3 Taakukokagha na kanu̱wa ke
kandi kukola kubhi muunakiye,
kedha ku̱bu̱ghʼo kubhi bhootu̱ siye.
4 Akughayagha aba Luhanga abhengi̱ye,
bhaatu ahu̱ti̱ya abaku̱hu̱ti̱yagha Mukama.
Akukolagha ebi eelaghi̱i̱sani̱i̱ye
kandi atahinduka nankabha naatungamu kufweluwamu.
5 Akweholi̱yagha sente ataakubbala maghobo.
Taaku̱si̱i̱magha ngu̱ji̱ niikuwo ahe bisubha haa oghu atali na musango.
Oghu akukolagha bintu ebi aliikala agu̱mi̱ye bilo byona.