99
Luhanga mukama mukulu
1 Mukama alemi̱ye.
Oleke bantu batukumile.
Asitami̱ye haa ntebe yee ya bukama haagati ya bakelu̱bbi̱.
Oleke nsi yoona edhinga-dhinge.
2 Mukama ni mukulu mu Sayu̱u̱ni̱,
niiye alemi̱ye bantu boona.
3 Bantu boona basinde li̱i̱na liye lyamaani̱ kandi elikwobahi̱i̱li̱li̱yagha.
Eye ahi̱ki̱li̱i̱ye.
4 Mukama wa bu̱toki̱, oku̱ndi̱ye ebi̱hi̱ki̱ye.
Waatʼo bwengani̱ja mu I̱saaleeli̱.
Waaleetamu bu̱hi̱ki̱li̱i̱le kandi majima.
5 Musinde Mukama Luhanga waatu.
Mumulami̱li̱ye mu maaso ghaa katebe kaa bighele biye.
Eye ahi̱ki̱li̱i̱ye.
6 Musa na Alooni̱ bakaba bali mu bahongi̱ be
kandi Samwi̱li̱ akaba ali omui mu abaamusabagha.
Baasabagha Mukama kandi abakuukamu.
7 Akabu̱gha nabo ali haa mpaghi ya kicu,
baahu̱ti̱ya bilaghilo ebi aabahaaye.
8 Ai̱ Mukama Luhanga waatu,
okakuukamu bantu baawe.
Waabooleka ngoku oli Luhanga oghu akughanilagha bantu,
nankabha nuwaabafubiiye haabwa bibhi byabo.
9 Musinde Mukama Luhanga waatu,
mumulami̱li̱ye haa mwena ghuwe ghu̱hi̱ki̱li̱i̱ye,
nanga Mukama Luhanga waatu ahi̱ki̱li̱i̱ye.