100
Mukama niiye Luhanga
Jabbu̱li̱ ya ku̱si̱i̱ma.
1 Mulimbile Mukama nʼelaka lyamaani̱ lya kudheedhuwa enu̱we bantu baa munsi yoona!
2 Mulami̱ye Mukama mu̱dheedheeu̱we kwonini,
mwise mu maaso ghe nimulimba na kudheedhuwa kukani̱ye.
3 Mumanye ngu Mukama niiye Luhanga!
Niiye akatuhanga kandi tuli be.
Tuli bantu be kandi ntaama syʼomu eli̱i̱si̱li̱yo liye.
4 Mutaahile mu geeti̱ siye ni̱mu̱si̱i̱ma
kandi mumusinde muli mu numba yee.
Mu̱mu̱si̱i̱me kandi musinde li̱i̱na liye.
5 Nanga Mukama ni mulungi,
kukunda kuwe kwamaani̱
kukuukalaghʼo bwile bwona
kandi bwesighibuwa buwe ni bwa bilo nʼebilo.