126
Nsaala ya kucunguluwa
Kilimbo kya kukoma Yelusaalemu kulami̱ya.
1 Mukama ku̱tu̱ku̱u̱ki̱ya Yelusaalemu,
kikatubeela nga ndooti̱.
2 Tukaseka kwonini
kandi twalimba tu̱dheedheeu̱we.
Bantu baa mahanga ghanji baaghila bati,
“Mukama aabakoleeye bintu byamaani̱.”
3 Majima akatukolela bintu byamaani̱
kandi twadheedhuwa kwonini.
4 Ai̱ Mukama, otodhe oleke tukula-kulane,
ngoku mbu̱la ekutaagha maasi mu biijulumba byomi̱ye.
5 Oleke abakuheelagha nsigho mbalila,
bakese badheedheeu̱we.
6 Abakughendagha mbalila batwete nsigho sya kuhela,
bakuuke mbalimba badheedheeu̱we,
baheeki̱ye ebi baakesi̱ye.