125
Mukama niiye akutukoonelagha
Kilimbo kya kukoma Yelusaalemu kulami̱ya.
1 Abeesi̱ghi̱ye Mukama, bali nga mwena Sayu̱u̱ni̱,
oghu bataakugubha kudhinga-dhi̱ngi̱ya,
bhaatu oghukuukalʼo bilo nʼebilo.
2 Ngoku myena yeeli̱ghi̱li̱i̱ye Yelusaalemu,
niikuwo Mukama akuukala eli̱ghi̱li̱i̱ye bantu be,
ku̱lu̱gha endindi kandi bilo nʼebilo.
3 Bantu babhi tabakugubha kulema nsi ya bahi̱ki̱li̱i̱ye,
mbaanaghi̱lemi̱ye, bantu bahi̱ki̱li̱i̱ye bakugubha
kutandika kukola bintu bi̱bhi̱i̱hi̱ye.
4 Ai̱ Mukama, okolele bintu bisemeeye bantu balungi,
abaku̱hu̱ti̱yagha bilaghilo byawe.
5 Bhaatu obu okuba noofubila bantu babhi,
ofubile dhee na abaaleki̱ye kukola ebi obbali̱ye.
Mpempa ebe mu I̱saaleeli̱!