124
Mukama akulindagha bantu be
Kilimbo kya kukoma Yelusaalemu kulami̱ya. Jabbu̱li̱ ya Dhau̱dhi̱.
1 Nguli Mukama ataabaaye naatu,
oleke Banai̱saaleeli̱ baghile bati,
2 “Nguli Mukama ataabaaye naatu,
obu ngi̱ghu̱ syatu baatu̱lu̱mbi̱ye,
3 bangu̱twi̱ti̱ye etu̱we boona batumalʼo,
nanga bakaba batughiliiye ki̱i̱ni̱gha kyamaani̱.
4 Ngi̱ghu̱ syatu bangutumali̱yʼo
nga kutungeela kwa maasi.
5 Bangu̱tu̱hwelekeleei̱ye ngoku maasi ghaasuuye,
ghaku̱sendi̱yagha.”
6 Musinde Mukama,
oghu ataasi̱i̱mi̱lani̱i̱ye ngi̱ghu̱ syatu ku̱tu̱hwelekeeleli̱ya.
7 Tukaaluka nga noni̱ ku̱lu̱gha mu ki̱ki̱ya bateghi̱ye.
Ki̱ki̱ya kyahendeka kandi etu̱we twatunga bughabe.
8 Bu̱kooneli̱ bwatu buli mu li̱i̱na lya Mukama,
oghu akahanga eghulu na nsi.