123
Nsaala ya kusaba kisa
Kilimbo kya kukoma Yelusaalemu kulami̱ya.
1 Ai̱ Mukama, nku̱u̱mu̱ki̱yagha maaso ghanje,
ewaawe oghu asitami̱ye mu eghulu haa ntebe yaawe ya bukama.
2 Ngoku baheeleli̱ya bakulolagha bakama baabo
kandi baheeleli̱ya baabukali̱ bakulolagha bakama baabo baabukali̱,
naatu tukuukalagha tu̱loli̱ye tutiyo, Mukama Luhanga waatu,
ku̱hi̱ki̱ya atughiliiye kisa.
3 Ai̱ Mukama otughilile kisa, gutu otughilile kisa,
nanga bantu baatughai̱ye kwonini.
4 Bantu baguudha baatuwaawaani̱i̱ye kumala bwile bukani̱ye.
Bantu baa myepanko kandi abasaakaaye bakututwalikani̱yagha
nga bantu abatali na mughaso.