122
Kusinda Yelusaalemu
Kilimbo kya kukoma Yelusaalemu kulami̱ya. Jabbu̱li̱ ya Dhau̱dhi̱.
1 Nkadheedhuwa obu bangambiiye bati,
“Muleke tughende mu numba ya Mukama.”
2 Endindi tuli hani, bighele byatu byemiliiye
mu geeti̱ sya Yelusaalemu.
3 Yelusaalemu ni kibugha kikwehuwe kusemeeye
kandi ki̱gu̱mi̱ye.
4 Mu kibugha eki niiyo ntu̱la sikughendagha.
Ntu̱la sya Mukama,
kughenda kusinda li̱i̱na lya Mukama,
kusighikila ngoku aalaghiiye Banai̱saaleeli̱.
5 Mu kibugha eki niiyo baataaye ntebe sya ku̱twi̱lʼo misango,
ntebe sya baasukulu baa Mukama Dhau̱dhi̱.
6 Musabile Yelusaalemu kutunga mpempa.
Oleke boona abaku̱ndi̱ye kibugha eki bakula-kulane.
7 Ai̱ Yelusaalemu, oleke mpempa ebe mukati ya bigho byawe
kandi abali mu bikaali byawe baakale mu bu̱si̱nge.
8 Haabwa nganda syanje kandi baabhootu̱ syanje,
ndaghilagha nti, “Mpempa yonkaha!”
9 Haabwa kukunda numba ya Mukama Luhanga waatu,
ndasabilagha bantu abali Yelusaalemu kuba na nkula-kulana.