121
Mukama niiye mu̱li̱ndi̱ waatu
Kilimbo kya kukoma Yelusaalemu kulami̱ya.
1 Nkulolagha eghulu mu myena,
bu̱kooneli̱ bwanje bu̱ku̱lu̱gha haa?
2 Bu̱kooneli̱ bwanje bu̱ku̱lu̱ghagha ewaa Mukama,
oghu akahanga eghulu na nsi!
3 Taakuleka bighele byawe mbitelebuka,
mu̱li̱ndi̱ waawe taakughwesaghilagha.
4 Mu̱li̱ndi̱ wa I̱saaleeli̱,
taakulangaalagha kedha kughwesaghila.
5 Mukama niiye mu̱li̱ndi̱ waawe,
niiye ki̱i̱ku̱dhu̱ haa luhande lwa mukono ghwawe ghwabuliyo.
6 Taaku̱si̱i̱mi̱lani̱ya musana kukukola kubhi ntangaali̱
kandi kweli̱ mukilo.
7 Mukama akukulinda mu kabhi koona,
akulinda bwomi̱i̱li̱ bwawe.
8 Mukama akukulinda maghenda kandi makuuka,
ku̱lu̱gha endindi kandi bilo nʼebilo.