120
Kusaba bu̱kooneli̱
Kilimbo kya kukoma Yelusaalemu kulami̱ya.
1 Obu naabaagha mu bijibu nkabilikila Mukama
kandi ankuukamu.
2 Ai̱ Mukama, onjune bahi̱ baa bisubha
kandi abataaku̱bu̱ghagha majima.
3 Enu̱we abakuhaagha bisubha, Luhanga alibakola ki?
Alibaha kifubilo kyamaani̱.
4 Akubafubila na bimala byoghiiye bya baasilikale
kandi na makala ghaaki̱yʼo mulilo ghatuumiiye kimui.
5 Kuukala naanu, nkubona-bona nga kuukala mu baa Meseeki̱,
kedha kuukala mu weema sya baa Kedala!*120:5 Meseeki̱ kandi Kedala: bikaba bili bi̱i̱kalo bibili biselaane ebi baaghilaghamu bantu baayʼo kuba basaakaaye.
6 Naakaaye bwile bukani̱ye
mu bantu aboohi̱ye mpempa.
7 Si̱ye mbali̱ye mpempa,
bhaatu nkaaku̱bu̱ghagha, ebo babbala kulwana.
*120:5 120:5 Meseeki̱ kandi Kedala: bikaba bili bi̱i̱kalo bibili biselaane ebi baaghilaghamu bantu baayʼo kuba basaakaaye.