128
Mu̱gi̱sa ghwa ku̱hu̱ti̱ya Mukama
Kilimbo kya kukoma Yelusaalemu kulami̱ya.
1 Ali na mu̱gi̱sa oghu aku̱hu̱ti̱yagha Mukama,
oghu akukolagha ebi alaghiiye.
2 Alaliyagha ebi akoli̱ye na mikono yee,
alaakalagha adheedheeu̱we kandi akula-kulane.
3 Mukali̱ waawe alabaagha nga mujaabbi̱i̱bbu̱,
oghwani̱ye bi̱ghu̱ma mu numba yaawe
kandi okuba na baana bakani̱ye
abakweli̱ghi̱i̱li̱li̱ya meeja yaawe.
4 Muntu weena oghu aku̱hu̱ti̱yagha Mukama,
niikuwo alitunga atiyo mu̱gi̱sa.
5 Mukama ahe enu̱we mu̱gi̱sa ku̱lu̱gha haa mwena Sayu̱u̱ni̱.
Mukubona ngoku Yelusaalemu ekukula-kulana,
bilo byona ebi mukuba munali boomi̱i̱li̱.
6 Muuhangaale kandi mubone baasukulu baanu.
Mpempa ebe mu I̱saaleeli̱.