129
Nsaala haa ngi̱ghu̱ sya I̱saaleeli̱
Kilimbo kya kukoma Yelusaalemu kulami̱ya.
1 Ku̱lu̱gha mu buujongo bwanje bakambona-boni̱ya kwonini,
oleke Banai̱saaleeli̱ baghile bati,
2 “Ku̱lu̱gha mu buujongo bwanje, ngi̱ghu̱ syanje bakambona-boni̱ya kwonini,
bhaatu tabakansi̱ngu̱lagha.
3 Bamputaali̱ya bibbodhe bitobheeye haa mughongo,
nga bi̱i̱na bali̱mi̱ye mu musili.”
4 Bhaatu Mukama, eye oghu ahi̱ki̱li̱i̱ye,
aajomba mighuwo ya bantu babhi aba.
5 Oleke boona aboohi̱ye Sayu̱u̱ni̱,
bakuuke enu̱ma bahemu̱ki̱ye.
6 Oleke bataba na mughaso nga bi̱si̱ngo bitooye haa lusui lwa numba,
ebikwomagha bitakaku̱li̱ye.
7 Taaliyo oghu akubijombagha abikumaani̱ya,
kedha abiboha mu bibha kubiheeka,
8 niikuwo abakubasaalilʼo baleke kughila bati,
“Mukama abahe mu̱gi̱sa.
Tukwete kubasabila mu̱gi̱sa mu li̱i̱na lya Mukama!”