130
Nsaala ya kusaba bu̱kooneli̱
Kilimbo kya kukoma Yelusaalemu kulami̱ya.
1 Ai̱ Mukama, ndi mu bijibu,
nahabweki nkwete kukubilikila.
2 Ai̱ Mukama, ooghu̱we elaka lyanje.
Oleke matui ghaawe ghategheeleli̱ye bhyani kwesengeleli̱ya kwanje.
3 Mukama nguli waahandiikagha muhendo ghwa bibhi byatu,
ni ani̱ atangu̱si̱ngu̱u̱we musango?
4 Bhaatu okutughanilagha,
niikuwo tweghe ku̱ku̱hu̱ti̱ya.
5 Si̱ye nkulindililagha na mutima ghwanje ghwona
Mukama kunkoonela
kandi nkwesighagha kighambo kiye.
6 Nkulindililagha Mukama,
kusaali̱ya ngoku bali̱ndi̱ bakulindagha ku̱hi̱ki̱ya bwile bukeeye,
majima, kusaali̱ya ngoku bali̱ndi̱ bakulindagha ku̱hi̱ki̱ya bwile bukeeye.
7 Enu̱we Banai̱saaleeli̱, mute kunihila kwanu mu Mukama,
nanga Mukama niiye ali na kukunda kwamaani̱.
Akuukalagha eeteekani̱i̱je kujuna bantu be.
8 Akujuna bantu baa I̱saaleeli̱,
ku̱lu̱gha mu bibhi byabo byona.