1 ညီကို မောန်နှမလေ နို့လေ နန်းနို့နားဟှိုလာဟှူဇာဟှာ ချည်းနှီးသတ်သတ် မဖြစ်ဟှ ဆိုဇာဟှို နန်းနို့လေ ကိုယ်တိုင်သိဂေ့ပါဟှယ်။ 2 ၂.၂ က တ ၁၆.၁၉–၂၄; ခ တ ၁၇.၁–၉ နို့လေဟှာ နန်းနို့နားဟှို ရော့‑က်လာခန်မာ ဖိလိပ္ပိဗြို့မာ ဆင်းရဲဒေါက်ခဘောန်းဇောင်န ညှဉ်းဆဲခံရဟှူလည်းဘဲ့ ရရာတိုင်းကီးဟှူ ဆန့်ကျင်တိုက်ခိုက်မှုထဲမာ ဘုရားသခင်ရဲ့ ကောန်းမြတ်ဟှူဒန်းကောန်းဟှို နို့လေရဲ့ ဘုရားသခင်အားဖြင့် နန်းနို့လေဟှို ရဲရဲရင့်ရင့်န ဟောပြောဂေ့ပါဟှယ်။ 3 နို့လေဟှာ မှားယွင်းဟှူဇာလေ၊ ညစ်ညူးဟှူဇာလေ၊ လှည့်ဇားဟှူဇာလေအားဖြင့် နန်းနို့လေဟှို ဟောပြောတိုက်တွန်းဂေ့ဇာ မှုဟှ။ 4 ဘုရားသခင်ဟှာ နို့လေဟှို သိမှတ်ပြုဘီး ကောန်းမြတ်ဟှူဒန်းကောန်းဟှို ယောင်းယောင်ကြည်ကြည်န အပ်ဟှားဟှူတိုင်း နို့လေဟှာ လူလေ နှစ်သက်စေဟှို့တွပ်မှုဘဲန နို့လေရဲ့ စိနှလောင်းဟှို စစ်ဆေးတော်မူဟှူ ဘုရားသခင်ဟှို နှစ်သက်စေဟှို့တွပ် ဟောပြောဂေ့ဟှယ်။ 5 ဖြားဖြစ်ကြောန့်နူးဆိုဟှာ နန်းနို့လေ သိဂေ့ဟှူတိုင်းဘဲ့ နို့လေဟှာ မြော့‑က်ပင့်ဟှူ စကားဟှို တခါလည်း သောင်းဂေ့ဟှ။ ဖောင်းကွယ်ဟှားဟှူ လောဖစိလည်း လောင်းဝမှေ့ဘဲကြောန်းဟှို ဘုရားသခင်ဟှာ နို့လေရဲ့ သတ်သေဖြစ်ပါဟှယ်။ 6 နို့လေဟှာ ခရစ်တော်ရဲ့ တမန်တော်နေန ခွမ့်အာဏာဟှို သောင်းပိုင်ဟှူလည်းဘဲ့ နန်းနို့နားဟှဘဲ့ဖြစ်ဖြစ်၊ တခြားလူလေနားဟှဘဲ့ဖြစ်ဖြစ်၊ ဂေါင်ပြုချီးမွမ်းဇာဟှို ခံရဟှို့တွပ် လောက်ဆောန်ဇာမှုဘဲ၊ 7 ခရစ်တော်ရဲ့ တမန်တော်ဖြစ်ဟှူလည်းဘဲ့ နန်းနို့လေဟှို ရှစ်ဟှူကြောန့် နို့တိုက်ဟှူ မိခင်ဟှာ သူ့သားမီးလေဟှို ကြင်နာဟှူမျိုးဘဲ့ နန်းနို့လေထတ်မာ နူးညံ့သီမွေ့ဟှူ သူလေ ဖြစ်ဂေ့ဟှယ်။*၂.၇ နို့တိုက်ဟှူ မိခင်ဟှာ သူ့သားမီးလေဟှို ကြင်နာဟှူမျိုးဘဲ့ နန်းနို့လေထတ်မာ နူးညံ့သီမွေ့ဟှူ သူလေ ဖြစ်ဂေ့ဟှယ်၊ တချို့ မူရင်းလတ်ရေးမူလေမာ နန်းနို့နတူးဒူ ရှိနေဟှူ ခီမာ နို့လေဟှာ သူငယ်မျိုး ဖြစ်ဘီး မိခင်လေမျိုးလည်း ဖြစ်ဟှယ်၊ ဆိုဘီး ပါရှိဟှယ်။ 8 နို့လေဟှာ နန်းနို့လေဟှို ဗြောစောင်မတ်ဘီး ရရာတိုင်း ရှစ်ရဟှူကြောန့် ဘုရားသခင်ရဲ့ ဒန်းကောန်းတရားတော် လော့‑က်နမကဘဲ ကိုယ့်သတ်ဟှိုဘဲ့ ပေးရှင်ဟှူ စေတနာစိ ရှိဂေ့ပါဟှယ်။ 9 ညီကို မောန်နှမလေ နို့လေဟှာ ပန်ပန်ဘန်းဘန်း လောက်ဆောန်ဘီး ကြိုးစားအားထုဟှူ ကြောန်းဟှို နန်းနို့လေ မှတ်မိဂေ့ပါဟှယ်။ နို့လေဟှာ နန်းနို့လေဟှို တယော့‑က်မှလည်း ဝန်ထောက်ဝန်ဘိုး ဖြစ်ဘဲနေအောန် နေ့ရောညဉ့်ရော လောက်လောက်ဘီးဟှာ ဘုရားသခင်ရဲ့ ဒန်းကောန်းဟှို နန်းနို့လေဟှို ဟောပြောဂေ့ပါဟှယ်။

10 နို့လေဟှာ ယောင်ကြည်သူဖြစ်ဟှူ နန်းနို့လေဟှို ဖယ်မျိုး ဖ္လူစင်သန့်ရှင်းမှုန ဖြောန့်မတ်မှန်ကန်အောန် ပြုမူဘီးဟှာ ပြစ်တန်ဇာမှေ့ဘဲ နေအောန် နေထိုင်ဂေ့ဟှူဇာဟှို နန်းနို့လေသတ်သေ ဖြစ်ဟှယ်။ ဘုရားသခင်ဟှာလည်း နို့လေရဲ့ သတ်သေ ဖြစ်တော်မူဟှယ်။ 11 မိဖဟှာ သူ့သားမီးလေဟှို ပြုမူဆစ်ဆံဟှူမျိုး နို့လေဟှာ နန်းနို့လေရှိဟှူမျှန ဖယ်မျိုး ပြုမူဆစ်ဆံဟှူ ကြောန်းဟှို နန်းနို့သိဂေ့ပါဟှယ်။ 12 နန်းနို့လေဟှို သူ့ရဲ့ နိုင်ငံတော်န ဖောင်းသရေတော်ထဲဟှို ခေါ်တော်မူဟှူ ဘုရားသခင်န ထိုက်ထိုက်တန်တန် သတ်ရှင်ဘီး ကျင့်ကြံ နေထိုင်ဂေ့ဟှို့တွပ် နန်းနို့ ယော့‑က်ရှင်းစီတိုင်းဟှို တိုက်တွန်း နှိုးဆော်ဘီး နှစ်သိမ့်အားပေးရင်းန ဒိပေးဂေ့ပါဟှယ်။

13 နို့လေဟောပြောဟှူ ဘုရားသခင်ရဲ့ တရားဟှို နန်းနို့လေခံယူခီမာ လူ့ရဲ့ စကားဟှို ခံယူဟှူ ဇာမှုဘဲန ဘုရားသခင်ရဲ့ စကားစစ်မှန်ဖြစ်ဟှူတိုင်း ယောင်ကြည်ဟှူ နန်းနို့ထဲမာ ပြုပြင်ပေးဟှူ ဘုရားသခင်ရဲ့ တရား ဖြစ်ဟှယ် ဆိုဘီး ခံယူဂေ့ဟှူကြောန့် နို့လေဟှာ ခီတိုင်းမာ ဘုရားသခင်ရဲ့ ကျေးဇူးတော်ဟှို ချီးမွမ်းဂေ့ပါဟှယ်။ 14 ၂.၁၄ တ ၁၇.၅ညီကို မောန်နှမလေ နန်းနို့တွိကြောင်ရဟှူ ဇာဟှ ယုဒပြည်ဟှ ယေရှုခရစ်တော်ရဲ့ ဘာသာဝမ်လေဖြစ်ဟှူ ဘုရားသခင်ရဲ့ သင်းတော်ဟှ သင်းဝမ်ဟှူသူလေ တွိကြောင်ရဟှူ တွိကြောင်န တူပါဟှယ်။ အယ်သူလေဟှာ ယုဒလူမျိုးရဲ့ လတ်မာ ဆင်းရဲဒေါက်ခ ရော့‑က်ဂေ့ဟှူမျိုး နန်းနို့လေလည်း ကိုယ့်လူမျိုးလေရဲ့ လတ်ထဲမာ ဆင်းရဲဒေါက်ခ ရော့‑က်ဂေ့ရပါဟှယ်။ 15 ၂.၁၅ တ ၉.၂၃,၂၉; ၁၃.၄၅,၅၀; ၁၄.၂,၅,၁၉; ၁၇.၅,၁၃; ၁၈.၁၂ယုဒလူမျိုးလေဟှာ သခင်ယေရှုန ပရောဖက်လေဟှို သတ်ဂေ့ဘီး နို့လေဟှိုလည်း ညှဉ်းဆဲဂေ့ဟှယ်။ ဘုရားသခင်ရဲ့ လိုတော်ဟှို လိုက်ဘဲန လူလေရဲ့ ရန်သူလေ ဖြစ်ဂေ့ဟှယ်! 16 လူမျိုးခြားလေ ကယ်တန်ရှင်းရဟှို့တွပ် နို့လေ ဟောပြောဂေ့ဟှူဇာဟှို ဆီးတားဘီး ကိုယ့်ကိုယ်ကိုယ် ပြစ်ကီးလေးအောန် လောက်ဂေ့ဟှယ်။ အယ်ကြောန့် မျစ်တော်ဟှာ သူးနို့ထတ်ဟှို ကူစင်အောန် က္လရော့‑က်လေဟှယ်။

17 ညီကို မောန်နှမလေ နို့လေဟှာ နန်းနို့လေန စိနှလောင်းအားဖြင့်မှုဘဲ၊ ကိုယ်ခန္ဓာအားဖြင့် ရှစ်ဟှားခွဲခွာဘီး နေရဟှူလည်းဘဲ့ နန်းနို့လေဟှို ဖယ်ခီလည်းမေ့ဟှ၊ နို့လေဟှာ နန်းနို့လေဟှို ရရာတိုင်းအော့‑က်မေ့ဟှူကြောန့် နန်းနို့လေဟှို နော့‑က်တခါ ပ္လန်ဘီးတွိနိုင်ဟှို့တွပ် ကြိုးစားနေဂေ့ပါဟှယ်။ 18 နို့လေဟှာ နန်းနို့လေနားဟှို နော့‑က်တခေါ့‑က် လာရှင်ပါဟှယ်။ ငါ ပေါလုကိုယ်တိုင်လည်း နန်းနို့လေနားဟှို လာဟှို့တွပ် နှေ့ခါကြိုးစားဟှူလည်းဘဲ့ စာတန်ဟှာ ငါ့ဟှို တာဆီးလေဟှယ်။ 19 နို့လေရဲ့ သခင်ယေရှု ကြွလာတော်မူဟှူ ခီမာ ကိုယ်တော်ရဲ့ ရှေ့တော်မာ နို့လေရဲ့ မျှော်လင့်ရဟှူကြောန်း ဝမ်းမြော့‑က်ရဟှူကြောန်းန ဝါကြွားရဟှူ သရဖူဖြစ်ဟှူသူလေဟှာ ဖယ်သူနူး။ နန်းနို့လေဘဲ့ မှုဟှလော။ 20 တကယ်ဘဲ့ နန်းနို့လေဟှာ နို့လေရဲ့ ဖောင်းသရေတော်န၊ နို့လေရဲ့ ဝန်းသာရှင်း ဖြစ်လေဟှယ်။