JONO TALO-SIPEMO
JONOne Wale TALO SIPE Pepá Topa Sirimu Bokumu
Jonone I Pepá Topa Sirimumunge Ungu Pulu Mare
Ungu pulu mare inie yakondo gomo 1239 molemo, aku ungumu paa kanani. ‘Ye mare andoko “Ungu mare piliengi mane siembo, pea peamili wambo.” ninge kinie paa mimi siku kanoko apuruku, kolo tolemele yemando “Pea peamili waa.” ni paa naa niengi.’ nimbe ipepá talo sipemo kepe topa sirimu.
Ya ungu pulumu pora nikimu.
1
1-13 pali PULU YEMONGA UNGU SIKEMA TONDOLO MUNDUPU AMBOLOPO, UNGU SIKEMA NAA NINGU UNGU LUPEMA MANE SILIMELE YEMANGA UNGUME APURUPU KONDOPO PAA NAA PILIEMILI AKUMUNGE UNGU TE
1-3 Pep mo Tombando Pulu Polopa Torumu Ungume
1-2 Na ⸤Kirasinge yembomanga⸥ tapu ye andamone*Jono Yepoko Sipemo 1 Giriki ungumunge ungu pulu talo pelemo. Te: Giriki ungumunge sike ungu pulumu “ye anda”. Jono sike ye anda molopalie “ye anda” nirimunje. Te: ungu ikomo. ‘Ya Jono yu Epesasi yembo talapemonga tapu yemo molopalie ya “tapu yemo” nimbe torumunje.’ ningu pilimele. Akumunge talo pea ya torumulu molemo. ⸤i pepámo topo⸥
Pulu Yemone mako torumu ambomo kinie yunge ambolangoma kinie†Ambo ambolango sikemanje, molo Esia poropinji lierimu kolea tenga Kirasinge yembo talape tenje. sike konopu mondolio yemboma ⸤eno pepá topo mundukuru⸥.
Nane mindi eno konopu naa mondolio. Ungu sikema olio kinie pelemo mele pe kepe pepa mindi pumbe akumunge ungu sikema pilimele yembomane pali eno konopu mondolemelela.
3 Ungu sikemonga ulu pulumu kinie konopu mondoli ulu pulumu kinie olio-kinie pepili, Lapa Pulu Yemo kinie, yunge Malo Yesusi Kirasi kinie,‡bokumunge alsena anjokondo “13. God”, “32.2. Pikinini Bilong God”, “23. Krais”. elone olio we kondo kolko teko kondokolo, olione walse walse ulu mare tepo kenjimolo kinie olio kondo kolkolo ‘Mindili nangi.’ naa ningulu, ‘Olio konopu pe nipili taka liku molangi.’ ningele.
4-6 Olio Konopu Mondomolo Ulumu Teamili.
4 Lapane olio “ungu sikema pilku liku teaa.” nirimu mele nunge ambolango marene pilku liku teko molemele kinie kanopolie na paa konopu sipu molio. 5 Ambo peangamo, ‘Olio oliolio anjo yando konopu mondamili.’ nikiru akumu nane ungu mane konde te pepá topo naa sikiru, molo. Olio kokele Kirasinge yemboma molopolie pilierimulu ungu manemo nimbu pepá topo sikiru.§Jono Kumbi Lepamo 2:7. 6 Konopu mondomolo mele isipe: Olio yuni “Teaa.” nirimu mele ungu manema pilipu teamili. Yuni “Teaa.” nimbe ungu mane sirimu eno ou-pulu-pulu pilieringi ungu mane kanumu “Eno anjo yando yemboma konopu mondoko molaa.” nirimu kanumu.*Jono Kumbi Lepamo 4:7, Jono 15:12.
7-11 Kirasinge Ungumu Tondolo Mundupu Ambolopo Molamili.
7 Kolo toko yembo kondi toko,†Jono Kumbi Lepamo 4:1. ‘Yesusi Kirasi manie omba mana ye alierimu.’ naa nilimele‡Jono Kumbi Lepamo 4:2. yembo awisili koleamanga pali andoko molemele. ⸤Akumunge ‘Olio oliolio anjo yando yemboma konopu mondamili.’ nimbu pepá tokoro.⸥ Aku yemboma kolo toko yembo kondi tolemele yemboma, Kirasi kinie opa puluema§Jono Kumbi Lepamo 2:18,22, 4:3. molemele. 8 Eno ‘Mele limolo.’ ningu kongono mindili siku telemelema ‘Omba manie pumbe.’ ningu nokoko kondoko ingi siku ambolko molangi. Eno mele kaloli komindi simbema pali linge kinie papu. 9 Yembo te Kirasinge ungume tondolo mundupe ambolopa naa molopa, ungu te lupe ‘piliembo.’ nimbe pumu liemo Pulu Yemo yu kinie pea tapu toko naa molembele. Yembo te Kirasini ungu mane silimo ungume tondolo mundupe ambolopa molomu liemo Lapa kinie Maloselo yu kinie pea tapu toko molemele.
10 Yembo tene ‘Ungu te nimbu simbo okoro.’ nimbelie iungume mele naa nimbe ungu te lupe nimbe simu liemo yu enonga ulkemanga naa mengo puku, “Nu okonoye?” ningu ki naa liengi. 11 Yembo tene “Nu okonoye?” nimbe ki lipe “Papu okono.” nimbé yembomo ombá yembomone tepa kenjipe molomba yembomo lipe tapondopa yu pea telembele.
12-13 Pep Topa Pora Sipelie Ungu Wallo Kolte Torumu Ungume
12 Nane ungu awisili pepá topo eno silke nalo na ‘olio paa kamu konopu awili tepo sipu molamili kene eno molemelena ombo mongone kanopo eno kinie ungu nimbu sipu molambo.’ nimbu pilipulie pepá naa toli siye kolkoro.
13 Nunge angena, Pulu Yemone ‘Nanga molopili.’ nimbe mako torumu ambomonga ambolangomane “Nu molou.” nilimele.
⸤Aku pea nikiru.⸥
*1:1-2: Jono Yepoko Sipemo 1 Giriki ungumunge ungu pulu talo pelemo. Te: Giriki ungumunge sike ungu pulumu “ye anda”. Jono sike ye anda molopalie “ye anda” nirimunje. Te: ungu ikomo. ‘Ya Jono yu Epesasi yembo talapemonga tapu yemo molopalie ya “tapu yemo” nimbe torumunje.’ ningu pilimele. Akumunge talo pea ya torumulu molemo.
†1:1-2: Ambo ambolango sikemanje, molo Esia poropinji lierimu kolea tenga Kirasinge yembo talape tenje.
‡1:3: bokumunge alsena anjokondo “13. God”, “32.2. Pikinini Bilong God”, “23. Krais”.
§1:5: Jono Kumbi Lepamo 2:7.
*1:6: Jono Kumbi Lepamo 4:7, Jono 15:12.
†1:7: Jono Kumbi Lepamo 4:1.
‡1:7: Jono Kumbi Lepamo 4:2.
§1:7: Jono Kumbi Lepamo 2:18,22, 4:3.