121
121-ci Ǐvel mə̌ğ
Sion buruğoy bel bakala Yerusalima lağat'an mə̌ğěğala Ǐvel mə̌ğ
1 Buruğoy loxole bez pul,
Şuva za t'et'iin kul biq'alo?
2 Q'ončux bakale za köməybalo,
Göyurxo q'a oç̌ala yaratmişiyone Şo.
3 Vi tura ǰena lafst'a tene bark'on Şot'in,
Va q'orişalo nep'axteneğon.
4 İsraila q'orişalone Şo,
Nə iz pula tene q'ic'k'on, nə nep'axteneğon Şo.
5 Va q'orişalone Q'ončux,
Q'ončuğoy xojinan tarane hun,
Vi t'ǒğǒl bakalone Şo.
6 Nə ğenaxun cərdala běğaxun,
Nə üşe c'eğala xaşe işiğaxun q'ı̌ tene bu vaynak'.
7 Q'ončuğon va pisluğbsun çureğalt'oğoxun q'orişebon,
Vi yəşəyinşane q'orişon Şot'in.
8 Həysəəl, meyin oşa həmişəəl,
Hun maya bakayvax, hik'k'ə bayvax
Q'ončuğon va q'orişale.