1 Əgər biq'eğala k'ojin loxol Q'ončuğoy kul tene busa,

Ams'inane taysa t'e k'oja biq'alt'oğoy əş.

Əgər şəhəri loxol Q'ončuğoy pul tene busa,

Üşe nu basksuni xeyir tene bu t'e şəhərə q'orişalt'oğoy.

2 Efi usum hayzeri, c'əyi basksunen,

Ap' śipi šum q'azayinşbsunen tene baksa hik'k'al.

Q'ončuğon İzi çureğalt'oğoynak' şorox lap bask'i mandiyal bakayt'un, içoğoy šuma p'ap'esepsa.

3 Q'ončuğon yax tadala paye əylux,

Beşi İzi piyes şaat' ak'esuni nəticəne yaxun bakiyorox.

4 Cəyil vədine ğare q'ončux bakalo,

İz kiyel sa ox bakala q'oççağ k'inək'e.

5 Bəxt'əvəre t'e oxurxoxun gele bakalo!

İz düşmənxoxun taşala exlətəst'a

Ç̌oyen tene ot'p'on şot'ay!