128
128-ci Ǐvel mə̌ğ
Sion buruğoy bel bakala Yerusalima lağat'an mə̌ğěğala Ǐvel mə̌ğ
1 He bəxt'əvəre Q'ončuğo çalxi
Şot'ay laxi yaq'en tağalorox!
2 Vi ap' śipi əşp'it'oğoy bara ak'alnu hun,
Bolluğ, xeyir-bərəkət kamtenebakal vi k'oyaxun.
3 Əylux eçeri mǔqt'ale va vi çuğon,
Şaat' bar tadala xoden mǔqt'ala k'inək',
Girbalnu hunal vi ğarmoğo vi aruğoy bel,
Əylin səs kamtenebakal vi k'oyaxun.
4 Metər bakale Q'ončuğon İz laxi yaq'en tağalt'u tadala xeyir-bərəkət.
5 Barta Q'ončuğon İzi məsk'ən saki Sionaxun *128:5 Sion - Yerusalim şəhər Sion buruğoy loxole, şot'o görəl Sion Yerusalima tadeśi s'iyurxoxun soğoney. va xeyir-bərəkətq'an tadi,
Yerusalimi şaat' ğimxo ak'avax hun vi ömüri axıral śirik',
6 Əyloğoy əyloğo əçides bakavax.
Barta İsrailaxun serluğ q'a xeyir-bərəkət kammaq'an baki!
*128:5 128:5 Sion - Yerusalim şəhər Sion buruğoy loxole, şot'o görəl Sion Yerusalima tadeśi s'iyurxoxun soğoney.