3
Gway jin yuḵu mo mmoka mo jin miinuwa mii e mo jin ta jim ma Dawuu’d mo me’d jin guskina a’di mo ’peni ya/m piti ka Abshaluum mo.
1 Ayy Tap̱a, ’kwani kun ta ’kup̱ gi aha/ wana risa!
Uni tana ris ka ris kun cuna p̱o/ aha/ mo.
2 Uni tana ris o gwo gom aha/ mo ki:
mowoṯẖa/ kamu/ midi di gom a’di eya Arumgimis yisa.
Doshi ma dhali ’cunycuri yan mo.
3 Hili /e, ayy Tap̱a, itana goŋgoro/ gom aha/ mo,
dhali monycam pem mo dhali aman’de’k ’kup̱ pem ki mis mo.
4 Aha/ ’thera cuuwa/ ki nyanye/ e Tap̱a mo,
dhali a’di thoḵki aha/ ’twa/ ’peni ’kuwosh piti jin ḵogu mo.
Doshi ma dhali ’cunycuri yan mo.
5 Aha/ isha ’ko’da ’cesh dhali ish e mo.
Aha/ mera e doḵ/e mo, haali/ Tap̱a a’di ṯeki aha/ mo.
6 Aha/ dinaki ḵo/ is gom ’kwani kun ’koni alaap̱i ’kume’d mo
uni gun doshkin ki is buni ap̱o/ mo mmo’kama ’kam mo.
7 Cuyi mis mo ma, ayy Tap̱a.
’Cuḵi aha/ mo ma, ayy Arumgimis pem.
Haali/ /e dorkina ris uni gun ta ’kup̱ ki aha/ e peshe/ mo,
dhali /e ki ’ce’d she/ gi uni gun ta thus ki thus mo.
8 Mo jin ’cuḵuwa ’cuḵ mo tani a’di ta ji gi Tap̱a mo,
mom’bor miim pini a’di midi di ap̱o/ ’kwanim pini mo.
Doshi ma dhali ’cunycuri yan mo.