1 Mom’bor mii goma ris uni ’baar ka ’deṯe/ ’deṯe/ kun ḵo/ki Tap̱a mo,

a’di jin yaki’d e bway piti mo.

2 /E mini shwa maman cwa ma ṯu’c ki me’d pini mo,

dhali /e mina bwa ’bor mo, dhali a’di midi ha me’d gom /e mo.

3 Ashim pini a’di mina e waki cwa jin dho’th maman mo

e bwaŋ gu’b pini mo.

Uc̱im pini uni mina e waki cwa seṯuun kun ’kan ki biṯẖi/ biṯẖi/

mmo’kama tharabeesam pini is mo.

4 Hili mo mo ma, wakan wathi/ minu ’bor mii mo,

a’di jin ḵo/ki Tap̱a mo.

5 Tap̱a ’borki /e mii mo ’pena Sihyuun mo.

Dhalki /e p̱ari mo jin midi rusa/ rus e gom Pa Urushaliim mo

ka risa tee gi mondiki/em pini ’baar mo.

6 Dhalki /e hili uc̱i gi uc̱im pini mo.

Moŋḵu’th is midi di ap̱owa Israyiil mo.