19
Israil shahzadilirige bir mersiye
1 — «Emdi sen, Israil shahzadilirige bir mersiyeni aghzinggha élip mundaq dep oqughin: —
2 «Shirlar arisida anang qandaq bir chishi shir idi!
U yash shirlar arisida yatqan, u arslanlirini béqip quwwetlidi.
3 U arslanliridin birini chong qildi, u yash shir bolup chiqti;
U owni tutup yirtishni ögendi;
U ademlernimu yewétetti.
4 Eller uningdin xewer anglidi;
U ularning ora toziqida tutuwélindi;
Ular uning burnigha ilmekni sélip,
Misir zéminigha épketti.■2Pad. 23:33; Yer. 22:11
5 Chish shir özining arminini bikar kütkinini,
Ümidning yoqalghanliqini körüp,
U bashqa bir arslinini élip,
Uni béqip yash shir qildi;
6 U shirlar arisida uyan-buyan kezdi;
U yash shir bolup,
Owni tutup yirtishni ögendi;
U ademlernimu yewétetti.
7 U ularning istihkamlirini buzup,
Ularning sheherlirini xarabe qiliwetti;
Zémin we uning üstidiki hemmisi uning hörkirigen awazi bilen dekke-dükkige chüshti.
8 Andin eller uning etrapidiki rayonlardin kélip uninggha qarshi chiqti;
Ular uning üstige torini yéyip tashlidi;
U ularning ora toziqida tutuwélindi.
9 Ular burnigha ilmek sélip qepeske solidi;
Uni Babilning padishahigha apardi;
Ular uni torlirigha éliwaldi;
Shuning bilen uning awazi Israil taghlirida qaytidin anglanmaydu.■2Tar. 36:6
10 Séning anang üzümzaringda bir üzüm téli idi;
U su boyida tiklen’genidi;
Sularning molluqidin,
U intayin méwilik, köp shaxlik boldi.
11 Uning küchlük shaxliri bar idi,
Höküm sürgüchilerning shahane hasilirigha layiq idi;
Uning boyi bulutlardinmu égiz kökke taqashti,
U égizliki we shaxlirining nurghunliqi bilen körünerlik idi;
12 Biraq u qehr bilen yulundi,
U yerge tashlandi,
Sherq shamili méwisini qurutiwetti;
Uning küchlük shaxliri sunduruldi, qaghjirap ketti;
Ot ularni yutuwaldi.
13 Hazir u chöl-bayawanda,
Changqaq, susiz bir yerde tikildi;
14 Uning shaxlirining birsidin ot chiqip,
Uning bixliri hem méwisini yutuwaldi;
Shuning bilen uningda hökümdarning shahane hasisi bolghudek küchlük shéxi qalmidi.
Bu sözler mersiyedur, bular peqet mersiye üchünla ishlitilidu».□«Uning shaxlirining birsidin ot chiqip, uning bixliri hem méwisini yutuwaldi...» — bu «shax» («shaxlardin birsi») Zekeriya padishah bolushi mumkin. Uning Xudagha ishenmesliki hem exmeqliqi Israilning béshigha köp balayi’apetlerni chüshürdi («2Pad.» 24:17tin-17:25-ayetkiche körüng).
□19:14 «Uning shaxlirining birsidin ot chiqip, uning bixliri hem méwisini yutuwaldi...» — bu «shax» («shaxlardin birsi») Zekeriya padishah bolushi mumkin. Uning Xudagha ishenmesliki hem exmeqliqi Israilning béshigha köp balayi’apetlerni chüshürdi («2Pad.» 24:17tin-17:25-ayetkiche körüng).