34
Qanaan zéminining chégrasi
1 Perwerdigar Musagha söz qilip mundaq dédi: —
2 Sen Israillargha söz qilip mundaq buyrughin: «Siler Qanaan zéminigha kirgen chaghda, silerge miras bolushqa teqsim qilinidighan zémin Qanaan zémini bolidu; zéminning békitilgen jay-chégraliri mundaq bolidu: —
3 Silerning jenub teripingler Zin chölidin bashlap Édom chégrisigha taqalsun; andin jenub tereptiki chégranglar «Shor déngizi»ning jenub teripining eng ayighigha yetsun;□«Shor déngizi» — yene «Ölük déngiz» depmu atilidu. ■Ye. 15:1 4 shu yerdin chégranglar «Sériq Éshek dawini»ning jenub teripidin burulup zin’gha ötsun; uning ayighi toptoghra Qadesh-Barnéaning jenubida bolidu; andin u yerdin yene Hazar-Addargha bérip, Azmon’gha tutishidu;□«Sériq Éshek dawini» — ibraniy tilida «Akrabbim dawini». 5 andin chégra Azmondin burulup méngip, Misir éqinigha baridu we déngizghiche tutishidu.
6 Kün pétish terepte chégranglar «Ulugh déngiz»ning özi bolidu, yeni uning boyliri bolidu; mana bu silerning kün pétish tereptiki chégranglar bolidu.□«Ulugh déngiz» — hazir «Ottura déngiz» dep atilidu.
7 Shimal tereptiki chégranglar mundaq bolidu: — «Ulugh déngiz»din bashlap hor téghighiche pasil sizilsun; 8 pasil siziqi Hor téghidin bashlap Xamat éghizigha sozulup, andin chégra Zedadgha tutashsun;□«Xamat éghizi» — yaki «Libo-Xamatqa». 9 chégra yene Zifron’gha ötüp Hazar-Énanda axirlashsun; mana bu silerning shimaliy chégranglar bolidu.
10 Andin sherqiy chégrayinglarning pasil siziqi Hazar-Énandin Shéfamghiche sizilsun. 11 Bu chégra Shéfamdin Ayinning kün chiqish teripidiki Riblahqa chüshidu; andin chégra shu yerdin chüshüp Kinneret déngizining dawinidin ötüp kün chiqish terepke tutishidu.□«Kinneret déngizi» — yaki «Kinneret köli» kéyin «Galiliye déngizi», «Tibérius déngizi» depmu atalghan. «Kinneret»ning menisi «chiltar» — kölning shekli chiltarsimandur. 12 Andin chégra töwenlep Iordan deryasini boylap chüshüp, Shor Déngizighiche yetsun. Mana bu chégralar bilen békitilgen zémininglar bolidu».
13 Musa Israillargha söz qilip mundaq dep buyrudi: — «Mana bu Perwerdigar toqquz qebile we yérim qebilige teqdim qilinsun dep buyrughan, chek tashlinish arqiliq özünglar warisliq qilidighan zémininglar bolidu; 14 chünki Ruben qebilisidikiler ata jemeti boyiche we Gad qebilisidikiler ata jemeti boyiche öz mirasigha alliqachan warisliq qilip uni igiligen, Manassehning yérim qebilisimu öz mirasigha warisliq qilip uni igiligen; 15 Bu ikki qebile we yérim qebile Yérixoning udulida, Iordan deryasining sherqiy qirghiqidiki kün chiqish terepte öz miraslirini élip bolghan».
Zéminni teqsim qilishqa nazaret qilghuchi xadimlar
16 Perwerdigar Musagha söz qilip mundaq dédi: — 17 Töwendikiler zéminni silerge teqsim qilip bergüchilerning isimliki: — Kahin Eliazar we Nunning oghli Yeshua.■Ye. 14:1 18 Silermu yene zémin teqsim qilishqa yardemlishish üchün her qebilidin birdin emir tallap béringlar.
19 Bularning ismi mundaq: — Yehuda qebilisidin Yefunnehning oghli Kaleb.□«Yehuda Yehuda qebilisidin» — yaki «Yehuda qebilisi üchün». 20 Shiméon qebilisidikilerdin Ammihudning oghli Shemuel.□«Shemuel» — yaki «Samuil». 21 Binyamin qebilisidin Kislonning oghli Elidad. 22 Dan qebilisidikilerdin Yoglining oghli, emir Bukki idi. 23 Yüsüpning ewladliridin: — Manasseh qebilisidikilerdin Efodning oghli emir Hanniyel 24 hem Efraim qebilisidikilerdin Shiftanning oghli emir Kemuel. 25 Zebulun qebilisidikilerdin Parnaqning oghli emir Elizafan; 26 Issakar qebilisidikilerdin Azzanning oghli emir Paltiyel; 27 Ashir qebilisidikilerdin Shélomining oghli emir Axihud; 28 Naftali qebilisidikilerdin Ammihudning oghli emir Pedahel idi.
29 Mana bular Perwerdigar emr qilip Israillargha Qanaan zéminidiki miraslirini teqsim qilishqa békitkenler idi.
□34:3 «Shor déngizi» — yene «Ölük déngiz» depmu atilidu.
□34:4 «Sériq Éshek dawini» — ibraniy tilida «Akrabbim dawini».
□34:6 «Ulugh déngiz» — hazir «Ottura déngiz» dep atilidu.
□34:8 «Xamat éghizi» — yaki «Libo-Xamatqa».
□34:11 «Kinneret déngizi» — yaki «Kinneret köli» kéyin «Galiliye déngizi», «Tibérius déngizi» depmu atalghan. «Kinneret»ning menisi «chiltar» — kölning shekli chiltarsimandur.
□34:19 «Yehuda Yehuda qebilisidin» — yaki «Yehuda qebilisi üchün».
□34:20 «Shemuel» — yaki «Samuil».