33
Misirdin Abel-Shitimghiche bolghan qiriq yilliq sergerdanliq seper
1 Töwendikiler öz qoshunliri boyiche, Musa bilen Harunning yétekchiliki astida Misir zéminidin chiqqan Israillarning mangghan yolliridur; 2 Musa Perwerdigarning emri boyiche, özlirining seper qilghan yollirini pütüp qoydi, ularning seper qilghan yolliri mundaq: —
3 Birinchi ayning on beshinchi küni Israillar Ramses shehiridin seperge chiqti; ötüp kétish héytining etisi ular barliq Misirliqlarning köz aldida merdanilik bilen yolgha chiqti.□«merdanilik bilen» — ibraniy tilida «qolini yuqirigha kötürgen halda». ■Mis. 12:37 4 Bu chaghda Misirliqlar ularning arisidiki Perwerdigar teripidin öltürülgenlerni, yeni barliq tunji oghullirini depne qiliwatqanidi; Perwerdigar Misirliqlarning mebudlirining üstidin höküm chüshürdi.□«Perwerdigar Misirliqlarning mebudlirining üstidin höküm chüshürdi» — «Mis.» 12:12ni we izahatini körüng. 5 Israillar Ramsestin yolgha chiqip Sukkotqa bérip chédir tikti. 6 Ular Sukkottin yolgha chiqip chöl-bayawanning ayighidiki Étamgha bérip chédir tikti.■Mis. 13:20 7 Étamdin yolgha chiqip, aylinip Baal-Zéfonning udulidiki Pi-Xaxirotqa bérip Migdolning aldida chédir tikti.■Mis. 14:2 8 Pi-xaxirottin yolgha chiqip, déngizning otturisidin ötüp, Étam chölide üch kün yol yürüp Marahda chédir tikti.■Mis. 15:22, 23 9 Marahdin yolgha chiqip Élimge keldi; Élimde on ikki bulaq bilen yetmish xorma derixi bar idi; ular shu yerde chédir tikti.■Mis. 15:27 10 Élimdin yolgha chiqip Qizil Déngiz boyida chédir tikti. 11 Qizil Déngizdin yolgha chiqip Sin chölide chédir tikti.■Mis. 16:1 12 Sin chölidin yolgha chiqip Dofqahqa kélip chédir tikti. 13 Dofqahdin yolgha chiqip Alushqa bérip chédir tikti. 14 Andin kéyin Alushtin yolgha chiqip Rifidimgha kélip chédir tikti, u yerde xelqqe ichidighan su tépilmay qaldi.■Mis. 17:1 15 Rifidimdin yolgha chiqip, Sinay chölige bérip chédir tikti.■Mis. 19:1
Chölde sergerdan bolush
16 Sinay chölidin yolgha chiqip Qibrot-Hattawahqa kélip chédir tikti.■Chöl. 11:34, 35 17 Qibrot-hattawahdin yolgha chiqip Hazirotta chédir tikti. 18 Hazirottin yolgha chiqip Ritmahda chédir tikti. 19 Ritmahdin yolgha chiqip Rimmon-Perezde chédir tikti. 20 Rimmon-Perezdin yolgha chiqip Libnahda chédir tikti. 21 Libnahdin yolgha chiqip Rissahda chédir tikti. 22 Rissahdin yolgha chiqip Kehelatahda chédir tikti. 23 Kehelatahdin yolgha chiqip Shafir téghida chédir tikti. 24 Shafir téghidin yolgha chiqip Haradahta chédir tikti. 25 Haradahdin yolgha chiqip Makhilotta chédir tikti. 26 Makhilottin yolgha chiqip Tahatta chédir tikti. 27 Tahattin yolgha chiqip Terahda chédir tikti. 28 Terahdin yolgha chiqip Mitqahda chédir tikti. 29 Mitqahdin yolgha chiqip Hashmonahta chédir tikti. 30 Hashmonahtin yolgha chiqip Mosherotta chédir tikti.■Qan. 10:6 31 Mosherottin yolgha chiqip Bene-Yaakanda chédir tikti. 32 Bene-Yaakandin yolgha chiqip Xor-Hagidgadqa bérip chédir tikti. 33 Xor-Hagidgadtin yolgha chiqip Yotbatahqa kélip chédir tikti. 34 Yotbatahtin yolgha chiqip Abronahqa kélip chédir tikti. 35 Abronahtin yolgha chiqip Ezion-Geberge kélip chédir tikti. 36 Ezion-Geberdin yolgha chiqip Zin chölide, yeni Qadeshte chédir tikti.■Chöl. 20:1 37 Qadeshtin yolgha chiqip Édom zéminining chégrisidiki Hor téghida chédir tikti.■Chöl. 20:22 38 Israillar Misir zéminidin chiqqandin kéyinki qiriqinchi yili beshinchi ayning birinchi küni, kahin Harun Perwerdigarning emri boyiche Hor téghigha chiqip shu yerde öldi.■Chöl. 20:25; Qan. 32:50 39 Harun Hor téghida ölgen chéghida bir yüz yigirme üch yashta idi.
40 U chaghda, Qanaan zéminining jenubida turushluq Qanaaniylarning padishahi Arad Israillar kéliwétiptu dep anglighanidi.■Chöl. 21:1 41 Israillar Hor téghidin yolgha chiqip Zalmonahda chédir tikti.■Chöl. 21:4 42 Zalmonahdin yolgha chiqip Punon’gha kélip chédir tikti. 43 Punondin yolgha chiqip Obotqa kélip chédir tikti.■Chöl. 21:10 44 Obottin yolgha chiqip Moabning chégrisidiki Iye-Abarimgha kélip chédir tikti. 45 Iyimdin yolgha chiqip Dibon-Gadqa kélip chédir tikti.□«Iyim» — «Iye-Abarim» dégenning qisqartilghan shekli. 46 Dibon-Gadtin yolgha chiqip Almon-Diblatayimgha kélip chédir tikti. 47 Almon-Diblatayimdin yolgha chiqip Néboning aldidiki Abarim taghliqigha kélip chédir tikti. 48 Abarim taghliqidin yolgha chiqip Yérixoning udulida Iordan deryasining boyidiki Moab tüzlenglikliride chédir tikti. 49 Moab tüzlenglikliride Iordan deryasini boylap tikken chédirliri Beyt-Yeshimottin tartip Abel-Shittimghiche bardi.□«Abel-Shittim» —— «Akatsiye chimenzarliqi» dégen menide. ■Chöl. 25:1; Ye. 2:1
50 Perwerdigar Moab tüzlenglikliridiki Iordan deryasi boyida Yérixoning udulida Musagha söz qilip mundaq dédi: —
51 Sen Israillargha söz qilip mundaq buyrughin: — «Siler Iordan deryasidin ötüp Qanaan zéminigha kelgen chéghinglarda, 52 zémindiki barliq turuwatqanlarni aldinglardin heydiwétinglar, ularning barliq oyma, quyma butlirini chéqip tashlanglar hem barliq «yuqiri jay»lirini weyran qilip tashlanglar.□««yuqiri jay»lar» — eslide butperesler mebudlirigha choqunidighan, tawap qilidighan tagh choqqiliri qatarliq jaylar idi. Israillar kéyinki waqitlarda shu yerlerde Perwerdigargha ibadet qilatti, biraq uzun ötmeyla butperes xelqlerge egiship shu yerlerni butpereslik qilidighan jaylar qiliwaldi. «Law.» 26:30ni we izahatini körüng. ■Qan. 7:2-26 53 Siler shu zéminni igilep makanlishinglar, chünki Men u zéminni silerge miras qilip bergenmen. 54 Siler jemet boyiche chek tashlap, zéminni özünglerge miras qilip élinglar; adimi köpreklerge köprek miras bölüp béringlar; adimi azraqlargha azraq miras bölüp béringlar; chek tashlan’ghanda kimlerge qeyer chiqqan bolsa, shu yer uning mirasi bolsun; siler mirasqa ata qebile-jemet boyiche warisliq qilinglar.■Chöl. 26:54-65 55 Halbuki, eger u zéminda turuwatqanlarni aldinglardin heydiwetmisenglar, ulardin qélip qalghanlar choqum közünglerge tiken, biqininglargha yantaq bolup sanjilidu, turghan zémininglarda silerni parakende qilidu;■Ye. 23:13; Hak. 2:3 56 we shundaq boliduki, Men eslide ulargha qandaq muamile qilmaqchi bolghan bolsam, silerge shundaq muamilde bolimen».
□33:3 «merdanilik bilen» — ibraniy tilida «qolini yuqirigha kötürgen halda».
□33:4 «Perwerdigar Misirliqlarning mebudlirining üstidin höküm chüshürdi» — «Mis.» 12:12ni we izahatini körüng.
■33:8 Mis. 15:22, 23
■33:16 Chöl. 11:34, 35
■33:38 Chöl. 20:25; Qan. 32:50
□33:45 «Iyim» — «Iye-Abarim» dégenning qisqartilghan shekli.
□33:49 «Abel-Shittim» —— «Akatsiye chimenzarliqi» dégen menide.
□33:52 ««yuqiri jay»lar» — eslide butperesler mebudlirigha choqunidighan, tawap qilidighan tagh choqqiliri qatarliq jaylar idi. Israillar kéyinki waqitlarda shu yerlerde Perwerdigargha ibadet qilatti, biraq uzun ötmeyla butperes xelqlerge egiship shu yerlerni butpereslik qilidighan jaylar qiliwaldi. «Law.» 26:30ni we izahatini körüng.